Library
Profile
ଶେଷ ସ୍ପର୍ଶ
ଶେଷ ସ୍ପର୍ଶ
କିଏ ଜlଣେ କାଳଚକ୍ରର କରାଳ ଗ୍ରାସ
କେତେବେଳେ ଆମକୁ ଗ୍ରାସିନେବ
ଆଉ ଏ ହୃତସ୍ପନ୍ଦନ
ଶେଷ ସ୍ପନ୍ଦନ ହୋଇଯିବ l
କିଏ ଜାଣେ କେତେବେଳେ
ଶେଷ ଡାକରା ଆସିଯିବ
ମୁହୂର୍ତ୍ତକ ପାଇଁ ଖୁସି ଦେଇଥିବା ଏହି
କଥାପଦକବି ଶେଷକଥା ହୋଇଯିବ l
କିଏ ଜାଣେ କେତେବେଳେ
ଯମବିଜ୍ଞପ୍ତି ଆମ ନାଁରେ ଲାଗିଯିବ
ଆଉ ମିଠା ମିଠା ସ୍ବପ୍ନରେ ବିତୁଥିବା
ଏ ରାତି ଶେଷରାତି ହୋଇଯିବ l
କିଏ ଜାଣେ କେତେବେଳେ
ଶେଷସମୟ ଆସିଯିବ
ଆଉ ମୁହୂର୍ତ୍ତଟେ ପାଇଁ ତୁମସହ ହୋଇଥିବା
ଦେଖାବି ଶେଷଦେଖା ହୋଇଯିବ l
କିଏ ଜାଣେ କେତେବେଳେ
ଆମ ଅଭିନୟ ସରିଯିବ
ଆଉ କିଛି ସମୟ ପାଇଁ ଅନୁଭବ କରିଥିବା
ତୁମ ସ୍ପର୍ଶବି ଶେଷ ସ୍ପର୍ଶ ହୋଇଯିବ l
କିଏ ଜାଣେ କେତେବେଳେ
ଯମ ଡ଼ାକିନେବ
ଆଉ ଆମର ସୁନ୍ଦର ବୁଝାବଣାର ଏ
ମଧୁର ସମ୍ପର୍କଟି ଦିନେ ଶେଷ ହୋଇଯିବ l
କିଏ ଜାଣେ ଆମେ ମଲାପରେ
କିଏ ଆମପାଇଁ ଝୁରି ନହେବ
କାହା ନୟନରୁ ଆମପାଇଁ
ଅତ୍ମୀୟତାର ଲୁହ ଯେ ନଝରିବ l
ତେଣୁ ହେବନ୍ଧୁ ଆସ
ରାଗ, ହିଂସା, ଦ୍ୱେଷ ଭୁଲି
ସମସ୍ତଙ୍କୁ ଆପଣାର କରିନେବା
ଏ ଅଳୀକ ଜୀବନକୁ ହସି ହସି ବିତେଇବା l
