ଚାଲିଗଲେ ସୁର ସାମ୍ରାଜ୍ଞୀ

  

ଦୁଃଖଦ ଖବର କି ଯୋଗରେ ଆଜି

ପାହିଥିଲା କାଳ ରାତି l

ନେତ୍ରୁ ବହେ ପାଣି ଖବରଟା ଶୁଣି

ଛାତି ମୋ ଯାଉଛି ଫାଟି l

ବୁଝୁନି ମୋ ମନ ସତେ କିରେ ଧନ

ଦେଏ ମୋ ଶିର ଆଉଁସି l

ବୟାନବେ ବର୍ଷେ ଭଉଣୀ ଆମର

ହୋଇ ଗଲେ ସ୍ୱର୍ଗବାସୀ l

ସରସ୍ବତୀ ପୁତ୍ରୀ ଭଉଣୀ ମୋ ଲତା

ସରସ୍ବତୀ ପୂଜା ବାସି l

ମାଆ ବୀଣାପାଣି ନେଇଗଲେ କିବା

ସରଗ ଧାମରୁ ଆସି l

କିଏ ଶୁଣାଇବ ସଙ୍ଗୀତ କାନନେ

ମଧୁ ଝରା କୁହୁ ତାନ l

ୱାତୋ କୋ ଲୋଗ ଶୁଣି କିବା ଆଉ

ଜାଗିବେ ନାହିଁ ଯବାନ l

ଦେଶ ଭକ୍ତି ଗୀତ ସିନେମା ସଙ୍ଗୀତ

କିଏ ଦେବ ଆଉ ଗୁନ୍ଥି l

ବିଭୁ ଚରଣରେ ଅଜସ୍ର ଜଣାଣ

ଭକ୍ତିଭରା ଭକ୍ତି ଗୀତି l

ଗାଇ ଚାଲିଥିଲା ଅସୁମାରୀ ଗୀତ

ଭାଷା କେ ପାରିବ ଗଣି l

ତୁମ ପରି ଆଉ କିଏ ହେ ଗନ୍ଧର୍ବି

ଜଗତେ ହେବ ଭଉଣୀ l

କୋଣ ଅନୁକୋଣୁ ଶୋକ ବାର୍ତ୍ତାମାନ

ଇଥରେ ଆସୁଛି ଭାସି l

କୋଟି ହୃଦୟରେ ବାସ ତୁମ ଦିଦି

ତୁମ ଆତ୍ମା ଅବିନାଶି l

ସଙ୍ଗୀତ ଆକାଶେ ଭଉଣୀ ମୋ ତୁମେ

ଧ୍ରୁବ ସ୍ଥାନେ ଅଧିଷ୍ଠିତ l

ତୁମ ଆତ୍ମା ଯାଇ ଦିବ୍ୟ ଧାମେ ବସୁ

ବିଭୁ ପାଦେ ପ୍ରଣିପାତ l