ଭଗ୍ନାଂଶ
ଭଗ୍ନାଂଶ
ଜୀବନ ଭଗ୍ନାଂଶରେ କିଏ ଲବ କିଏ ହର
ପିତା ମାତାଙ୍କ ସହ ଆନ୍ତରିକତା ସୂତ୍ରଧର
ଭାଇ ଭଗ୍ନୀଙ୍କ ସଙ୍ଗେ ମଜଭୂତ ଡୋର
ସ୍ୱାମୀ ସ୍ତ୍ରୀ ସମ୍ପର୍କ ଅତୀବ ମଧୁର
ଜେଜେ ଜେଜେମା ରକ୍ଷାକର୍ତ୍ତା ପାରିବାରର
ଆଈ ଅଜା ସ୍ନେହ ଶ୍ରଦ୍ଧା ଭାବରେ ଛୁ ମନ୍ତର
କିନ୍ତୁ କିଏ ଲବ କିଏ ହର???
ଦିନ ପରେ ରାତିର ଅନ୍ଧାର ଚମତ୍କାର
ସୂର୍ଯ୍ୟ ଚନ୍ଦ୍ର ଚିରନ୍ତନ ସତ୍ୟ ସୌଦାଗର
ପୂର୍ଣ୍ଣମୀ ଓ ଅମାବାସ୍ୟା ପାକ୍ଷିକ ବେଭାର
ଜୁଆର ଭଟ୍ଟା ପରିଚୟ ଦିଏ ସମୁଦ୍ରର
ପରାଗ ଓ ଗ୍ରହଣ ଆକାଶକୁ କରନ୍ତି ଥରହର
ହେଲେ କିଏ ଲବ କିଏ ହର!
ମନ ଓ ହୃଦୟ ପରିପୂରକ ଶରୀରର
ଜହ୍ନ ଓ ତାରା ଭିତରେ ନୀଳକଇଁ ବରାବର
କୃଷକ ସୈନିକ ଏ ଦେଶ ଯାଦୁଗର
ଶିକ୍ଷା ଓ ସ୍ୱାସ୍ଥ୍ୟ ଅଭେଦ ଯୌଗିକ ମନ୍ତର
ଜାଣେନା କିଏ ଲବ କିଏ ହର !
ବନ୍ଧୁତା ଓ ବନ୍ଧୁ ବିଶେଷଣ ବିଶେଷ ପଦର
ଛାନ୍ଦ ସହ ଅଳଙ୍କାର କବିତାରେ ମଲ୍ହାର
ସ୍ବପ୍ନ ସହ ନିଦ ସହଭାଗୀତା ମନ୍ତ୍ର ତନ୍ତ୍ର ଅପାର
ପଦ୍ୟ ସହିତ ଗଦ୍ୟ ସାହିତ୍ୟମନସ୍କ ଅପାର ସାକାର
କହିପାରିବ କିଏ ଲବ କିଏ ହର
ହର ପାର୍ବତୀ ବର ଲବ ସ୍ୱୟଂ ପାର୍ବତୀ ପ୍ରକୃତ ଭଗ୍ନାଂଶ
ହର ମହାଦେବ ଲବ କଣ୍ଠ ତଟ ନୀଳ ବିଷ
ହର ଶିବଶମ୍ଭୁ ଲବ ଡମ୍ବରୁ ନିନାଦ
ହର ନୀଳକଣ୍ଠ ଲବ ଗଜାନନ ଆନନ
ହର ଆଶୁତୋଷ ଲବ ତ୍ରିଶୁଳ ମିଶ୍ର ଭଗ୍ନାଂଶ
ଆଉ ଯେତେ ସବୁ ଅବଶିଷ୍ଟ ଅପ୍ରାକୃତ ଭଗ୍ନାଂଶ ବିଶେଷ ।