ଭାରତର ଟେକ ରଖିବା
ଭାରତର ଟେକ ରଖିବା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଭାରତକୁ ଆମେ ଇଣ୍ଡିଆ କହିଲେ
ମାଆଙ୍କୁ କହିଲେ ମମି
ବାପାଙ୍କୁ ଡାକିଲେ ଡାଡି ଡାଡି ବୋଲି
ଇଙ୍ଗିଲିଶଙ୍କ କଥା ମାନି
ଭାଇ ହୋଇଗଲା ବ୍ରଦେର ଆମର
ଭଉଣୀ ହୋଇଲା ସିସ
ମାଉସୀ ଆମର ଆଣ୍ଟି ହୋଇଗଲେ
ସ୍ତ୍ରୀ ହୋଇଗଲା ମିସ,
ଗୁରୁଙ୍କୁ ଡାକିଲେ ସାର ସାର ବୋଲି
ଗୁରୁ ମା ହୋଇଲେ ମେମ
ସାଙ୍ଗ ହୋଇଗଲେ ଫ୍ରେଣ୍ଡ ଆମର
ଖେଳିଲେ କ୍ରିକେଟ ଗେମ,
ଆମେତ ଆମର ଭାଷା ଭୁଲିଗଲେ
ଇଂଲିଶ ଭାଷାକୁ ଧରିଲେ
ଇଂଲିଶ ଭାଷାକୁ ଗର୍ବରେ କହିଲେ
ମାତୃଭାଷାକୁ ଭୁଲିଲେ,,,
ମାତୃଭାଷା କୁ ପଛରେ ପକେଇ
ନିଜକୁ ଭାବୁଛେ ଜ୍ଞାନୀ
ଇଂଲିଶ କଥା ଚୋବେଇ ଚୋବେଇ
କରୁଅଛେ ବେଇମାନି
ଆମେତ ଭୋକୁଆ ଭୁଲ କରୁଛେ
ଇଂଗଲିସ ଭାଷା କୁ କହି
ଆମେତ ମୁରୁଖ ଗର୍ବ କରୁଛେ
ଭାରତ କୁ ଇଣ୍ଡିଆ କହି
ଇଂଲିଶ ପଢିବା ଭଲ କଥା ଅଟେ
ଇଂଲିଶ ପାଠ ଶିଖିବା
ମାତୃଭାଷା ର ମହତ କୁ ରଖି
ମାତୃଭାଷା କଥା କହିବା....
ଭାରତ ମାତାକୁ ଭାରତ କହିବା
ଇଣ୍ଡିଆ ନାମଟି ଭୁଲିବା
ଭାରତ ଆମର ଜନମ ଭୂଇଁ
ଭାରତର ଟେକ ରଖିବା....।