ଭାରତୀୟ ଆମେ ଭାରତୀୟ
ଭାରତୀୟ ଆମେ ଭାରତୀୟ
ଭାରତୀୟ, ଆମେ ଭାରତୀୟ
ଭାରତୀୟ ଆମେ ଭାରତୀୟ
ଧର୍ମରେ କର୍ମରେ ଜ୍ଞାନ ବିଜ୍ଞାନରେ
ବୀରତ୍ୱରେ ଆମେ ଅଦ୍ଵିତୀୟ |
ଆମ ମୁନି ଋଷି ସାଧନା ପ୍ରସୂତ
ପବିତ୍ର ଓଁକାର ସର୍ବତ୍ର ଝଙ୍କୃତ
ଉଡ଼ୁଛି ତ୍ରିରଙ୍ଗା ବହିଯାଏ ଗଙ୍ଗା
ଶୁଭୁଛି ଭାରତ ଜୟ ଜୟ |
ମଥାରେ ମୁକୁଟ ଯାର ହିମକୁଟ
ପଦ ଧୌତ କରେ ନୀଳମ୍ବୁ ସମ୍ରାଟ
ମେଖଳା କଟିର ବିନ୍ଧ୍ୟ ମହୀଧର
ଗଭା ସାଜିଦିଏ ମେଘାଳୟ |
ଗାଉ ସତ୍ୟ ଶାନ୍ତି ଅହିଂସା ମନ୍ତର
ଚିନ୍ତା କରୁ ବସୁଧୈବ ପରିବାର
ଧର୍ମ ନିରପେକ୍ଷ ଦେଶଟି ଆମର
ନାନା ଜାତି ଭାଷା ସମନ୍ୱୟ |
ଯହିଁ ଗୀତା ବାଣୀ ଶ୍ରୀରାମ କାହାଣୀ
ଅଷ୍ଟାଦଶ ବିଦ୍ୟା ପୀୟୂଷର ଖଣି
ନର ନାରାୟଣ ନାରୀ ନାରାୟଣୀ
ବୃକ୍ଷ ପଶୁ ପକ୍ଷୀ ପୂଜନୀୟ |
ଭୂମି ଗାଭୀ ନଦୀ ଆମ ମାତୃ ବତ
ପ୍ରକୃତି ପୂଜାରେ ଆମେ ସଦା ରତ
ପର ଉପକାର ବରତ ଆମର
ଜାଣୁ ପର ପୀଡା ନାରକୀୟ |
ଶତ୍ରୁ ଆକ୍ରମଣେ ନହେଉ ଛାନିଆ
ପ୍ରତି ଆକ୍ରମଣେ ନିଶ ମୋଡ଼ି ଠିଆ
ନେତାଜୀ ଆଜାଦ ବାହିନୀ ଗର୍ଜନ
ରକ୍ତ ଦିଅ ସ୍ୱାଧୀନତା ନିଅ |
ଜୟ ଯବାନ ଜୟ କିଷାନ ଆହ୍ୱାନ
ଶାସ୍ତ୍ରୀଙ୍କ ଡାକରେ ବିଶ୍ୱ କମ୍ପମାନ
ଅଟଳଙ୍କ ଜୟ ବିଜ୍ଞାନ ସ୍ଲୋଗାନ
କାର୍ଗିଲରେ ଆଣିଦେଲା ଜୟ |
ମୋଦି ବଢ଼ାଇଲେ ଦେଶ ସ୍ୱାଭିମାନ
ସାମରିକ ଶକ୍ତି ସାମର୍ଥ୍ୟ ବର୍ଦ୍ଧନ
ବ୍ରହ୍ମାସ୍ତ୍ର ତ୍ରିଶୂଳ ନାଗାଗ୍ନି କ୍ଷେପଣ
ରାଫେଲକୁ ଶତ୍ରୁ କଲେ ଭୟ |
ସିଂହ ଶିଶୁ ଜାଣୁ ସମ୍ମୁଖ ସମର
ପରାଜୟ ନାହିଁ ଆମ ଜାତକର
ଭ୍ରୂଲତା ଉଠାଇ ଚାହିଁବାର ପାଇଁ
ଅରାତି ଭୁଲଇ ପରିଚୟ |
ମଙ୍ଗଳ ଗ୍ରହକୁ ପେଷିଅଛୁ ଯାନ
ଇସ୍ରୋ ସଫଳତା କରିଛି ମହାନ
ସବୁଠୁଁ ସୁନ୍ଦର ପ୍ରାଚୁର୍ଯ୍ୟ ଭଣ୍ଡାର
ଜୟ ଆର୍ଯ୍ୟାବର୍ତ୍ତ ଜୟ ଜୟ |