ଭାରତ ମାଟିରେ ଆମ ଘର

ଭାରତ ଆମର ଜନମ ଭୂଇଁ

              ତାହାରି ମାଟିରେ ଆମରି ଘର,,

ତାହାରି କୋଳରେ ବଢ଼ିଛେ ଆମେ

               ଭାରତୀୟ ଜାତୀୟତା ଆମର l

ଗୋଟିଏ ମାଆର ସନ୍ତାନ ଆମେରେ

              ସଭିଏଁ ପରା ଭଉଣୀ ଓ ଭାଇ

ଆସରେ ସଭିଏଁ ଏକ ହୋଇଯିବା

               ଜାତି, ଧର୍ମ, ବର୍ଣ୍ଣ ସବୁ ଦୁରେଇ l

ତାହାରି କୋଳରେ ଆମରି ଜନମ

               ସିଏ ତ ଅଟଇ ସବୁରି ମାଆ,

ତା ପାଣି ପବନେ ଆମ ଜୀବନ

               ରଖିବା ଆମେରେ ତାହାରି ନାଆଁ l

ତାହାରି ବୁକୁରେ କରିଛେ ଘର

              ଝାଟି, ମାଟି. ଆଉ ନଡା ଛପର

ଖୁସିରେ କରୁଛୁ ଜୀବନଯାପନ

              ସତେକି ଲାଗେ ବଇକୁଣ୍ଠ ପୁର l

ସୁଖରେ ଦୁଃଖରେ ଏକାଠି ଚଳିବା

               ଆସୁରେ ଯେତେ ସବୁ ବିପଦ,

ଖାତିର କାହାକୁ କରିବା ନାହିଁ

              ଡେରେଇବା ମନୁ  ଜେତେ  ବିଭେଦ  l