ଭାରି ଭଲ ହେବ

ଭାରି ଭଲ ହେବ ସଖୀ

ଯଦି ଆଜିଟି

ଗତକାଲିପରି ହୁଅନ୍ତା

ସେଇ ସନ୍ଧ୍ୟାରେ 

ଯେପରି ଆମ୍ରବଗିଚାରେ

ଆମେ ଦୁହେଁ ହଜିଯାଇଥିଲେ

ସେଇ ମିଠା ମୁହୂର୍ତ୍ତଟି ଫେରିଆସନ୍ତା l

ଭାରି ଭଲ ହେବ ସଖୀ

ଯଦି ଏବେ ମୋର 

ନୂଆ ପକ୍ଷ ମେଲନ୍ତା

ଜୋଛନା ରାତିର 

ଭରା ଆକାଶରୁ

ତମ ଗନ୍ଧବତୀ  

ବାସ୍ନା ଝରି ଆସନ୍ତା l

ଭାରି ଭଲ ହେବ ସଖୀ

ଯଦି ମୋ ଜାଗ୍ରତ ସ୍ୱପ୍ନରେ 

ତମ ରୂପ ହସନ୍ତା

ମୃଣାଳ ଲତିକା 

ତା ଦୁଇ ବାହୁରେ 

ମୋତେ ସମ୍ପୂର୍ଣ୍ଣ 

ଭିଡି ଧରନ୍ତା l

ଭାରି ଭଲ ହେବ ସଖୀ

ଯଦି ତମେ ବୁଝିଯାଅ  

ଏଇ ବାରତା

ସବୁ ଅର୍ଗଳିକୁ କାଟି 

ତମେ ଚାଲି ଆସନ୍ତ

ମୋ ଆକାଶେ 

ଜବାଫୁଲ ଫୁଟି ଯାଅନ୍ତା ....।।