ଭାଦ୍ରବର ବେଶ

ଦ୍ୱାପର କାଳନ୍ଦୀ ହ୍ରଦ ନୀଳାଚଳେ

    ମାରକଣ୍ଡ ପୁଷ୍କରିଣୀ

ଭାଦ୍ର କୃଷ୍ଣ ଏକାଦଶୀ ସନ୍ଧ୍ୟା କାଳେ

    କାଳୀୟ ଦଳନ ପୁଣି ll

ପ୍ରଭୁ ଜଗନ୍ନାଥ ହୋଇ କୃଷ୍ଣ ରୂପ

    ଶ୍ରୀ ହସ୍ତେ ମୁରଲୀ ଧରି

ସପ୍ତ ଫେଣାପରେ ଶ୍ରୀ ମଧୁସୂଦନ

    ତ୍ରିଭଙ୍ଗୀ ଠାଣୀକୁ ଭରି ll

କାଳୀୟର ଦର୍ପ କରି ପରାହତ

    ଜଳକୁ ଅମୃତ କରି

ଜୀବେ ଦୟା କଲେ ସେ ଦିନ ବାନ୍ଧବ

    କାଳୀୟ ଦଳନ କରି ll

ଭାଦ୍ରବ ଦ୍ୱାଦଶୀ ପ୍ରଭୁ ବେଶ ହୋନ୍ତି

    ପ୍ରଲମ୍ବା ସୁରର ବଧ

ଚାରି ଯୁଗ ବେଶ ହୁଅନ୍ତି ବିଗ୍ରହେ

    ଦର୍ଶନେ ନେତ୍ର ପବିତ୍ର ll

ତ୍ରୟୋଦଶୀ ତିଥି କୃଷ୍ଣ ପକ୍ଷ ଭାଦ୍ର

     କୃଷ୍ଣ ବଳରାମ ବେଶ

ମୋହନ୍ତି ଜଗତ ମୋହନ୍ତି ଭକତ

    ସିଂହାସନେ ପୀତବାସ ll