ଭାବୁଛି ଖାଲି ତୋ କଥା
ଭାବୁଛି ଖାଲି ତୋ କଥା
ତୁ ତ ମୋହର ଅତି ଆପଣାର
ମାତା ପିତା ବନ୍ଧୁ ସଖା
ଭାବୁଛି ଖାଲି ତୋ କଥାରେ କାଳିଆ
ଦେଏ ଥରେ ମୋତେ ଦେଖା ।
ତୁ ଜୀବ ଜୀବନ ତତ୍ତ୍ୱ ଅବିନାଶୀ
ପରବ୍ରହ୍ମ ପରମାତ୍ମା
ତୁ ପରମାନନ୍ଦ ପ୍ରଭୁ ଆଦିକନ୍ଦ
ସୁଖ ଦୁଃଖ ସର୍ବ ସୀମା
କରୁଣା ତୋହର କରବନାହିଁ ଊଣା
ବୁଝ ଟିକେ ମନ କଥା ।
ତୁ ତ ମୋହର -----
ଜୀବନ ରଥର ତୁ ତ ସାରଥି
ବାମନ ମଧୁସୂଦନ
ତ୍ରିଗୁଣ ରଜ୍ଜୁକୁ ଭିଡି କଷି ଧରି
ପଥ ଅନୁକୂଳେ ଟାଣ
ବଡ଼ଦାଣ୍ଡେ ତୋର ଧୂଳିକଣା ହୋଇ
ଲଭେ ସୁଶୀତଳ ଛାୟା ।
ତୁ ତ ମୋହର ------
କଳପ ବଟ ତୁ ପରମ ପୁରୁଷ
ବେଦ ବିଦ୍ୟା ଗତି ମୁକ୍ତି
ଦିଅ ସଦଜ୍ଞାନ ଜଗତର ନାଥ
ସନ୍ମାର୍ଗ ବିବେକ ବୁଦ୍ଧି
ପତିତପାବନ ଦିଅ ଦରଶନ
କୈବଲ୍ୟେ ମୋ ମନବାଞ୍ଛା ।
ତୁ ତ ମୋହର ------