ଭାବରେ ଭାବରେ-୫

ଭାରି ଭଲପାଏ 

   ତୋତେରେ କାଳିଆ

        ଆସିଛି ତୋପାଖେ ଧାଇଁ 

ଲୁଚାଇ ରଖିଛି

   ଚକୋଲେଟ୍ ଟିଏ

      ତୋ ହାତରେ ଦେବାପାଇଁ ।

ଶୁଣିଥିଲି ମୁହିଁ

     ବଡ଼ଖିଆ ତୁହି

        ଷାଠିଏ ପଉଟି ଖାଉ

ପ୍ରସାଦରେ ଯେବେ

     ମନ ଭରେ ନାହିଁ

       ଟଙ୍କ ତୋରାଣିକୁ ପିଉ ।

ପଣ୍ଡା ପଡିହାରୀ

    ଖଟନ୍ତି ତୋପାଶେ

       ତୋହରି ସେବାର ପାଇଁ

ଖାଲି ହାତେ ମୁହିଁ

     କିପରି ଆସିବି

       କୁହ ପ୍ରଭୁ କଳା ସାଇଁ ।

ଖୁଦ କି ମଳୁଖ

    ପାଇଲିନି କିଛି

       ଦୟାମୟ ଦୀନବନ୍ଧୁ

ଚକୋଲେଟ୍ ଟିଏ

     ଯାଚୁଛି ଶ୍ରଦ୍ଧାରେ

        ଘେନାକର କୃପାସିନ୍ଧୁ ।

ଋଷ ନାହିଁ ଆଉ

    କାଳିଆ ଠାକୁର

       କଥା ପଦେ ଦିଅ କହି

ସବୁଦିନ ପାଇଁ

    ବନ୍ଧୁତ୍ୱର ଭାବ

        ଯୁଗ ଯୁଗ ଥାଉ ରହି ।