ବେସୁରା ଗୀତି
ବେସୁରା ଗୀତି
ଅର୍ଦ୍ଧନିମିଳିତ ଆଖି ତୁମ କୁହେ
କେତେ ଯେ ଅକୁହା କଥା
ତୁମ ଓଠ ଫାଙ୍କୁ ହସ ସବୁ ଆସି
ହରିନିଏ ମୋର ବ୍ୟଥା I
ଗୋଲାପି ପୋଷାକତଳେ ଦେଖେ ଯେବେ
ତୁମରି ଫୁଙ୍ଗୁଳା ଦେହ
ଆଖି ତଳେ ମୋର ଚମକେ ବିଜୁଳି
ହଜିଯାଏ ସବୁ ଲୁହ I
କୋଇଲି ସ୍ୱରକୁ ନିଜର କରିଛ
କଥା କୁହ ଧିରେ ଧିରେ
ଚଇତି ଓଠରେ ମଳୟ ଗାଉଛି
ଗୀତଟିଏ ତୁମ ସ୍ୱରେ I
ତୁମ ଆଖି ମୋତେ ରଖିଦିଏ ବାନ୍ଧି
ଭୁଲେ ମୁଁ ନିଜକୁ ନିଜେ
କେମିତି ବର୍ଣ୍ଣନା କରିବି ତୁମକୁ
ଉପମାଟିଏ ମୁଁ ଖୋଜେ ।