କିଏ ମୁଁ ତୁମ ପାଇଁ

ଅଜଣା ଥିଲି ଏଠି ହୁଏତ ମୁଁ ତୁମ ପାଇଁ,

ତୁମ ବିନା ଆଜି କେହି ମୋତେ ଚିହ୍ନେ ନାହିଁ ।

ସମୟ ନଥିଲା ଦିନେ ତୁମକୁ ଯେ ଦେବା ପାଇଁ,

ଏବେ ତୁମ ଅପେକ୍ଷାରେ ସମୟଟି କାଟେ ମୁହିଁ ।

ଥିଲି ମୁଁ ମୁକ୍ତ ଏକ ବେପରୁଆ ବିହଙ୍ଗ,

ଆତୁର ଆଜି ମୁଁ ଖୋଜେ ତୁମର ହିଁ ସଙ୍ଗ ।

ଜୀବନ ଥିଲା ମୋର ଲକ୍ଷ୍ୟ ହୀନ ନାବ ।

ଏତେ ଦିନେ ପାଇଲି ମୋ ଗନ୍ତବ୍ୟର ଠାବ । 

ଯେବେ ଲାଗେ ତୁମେ ମୋର ହାତ ପାହାନ୍ତରେ,

ପାଏ ମୁଁ ତୁମକୁ ମୋ ଠାରୁ ବହୁତ ଦୂରରେ ।

ଚେତାଏ ବିବେକ ତୁମକୁ ଭୁଲି ଯିବା ପାଇଁ,

ତଥାପି ମନ କହେ ତୁମ ବିନା ମୁକ୍ତି ଅବା କାଇଁ,

ଜାଣେନା ଅପେକ୍ଷା ମୋର ସରିବ କି ନାଇଁ,

ପଚାରେ ନିଜକୁ ଏବେ କିଏ ମୁଁ ତୁମ ପାଇଁ?