ପ୍ରାରମ୍ଭିକ କ୍ଷଣ

ଶିଶୁ ଗହଣରେ ସର୍ଵଦା ଶିଶୁ

ହୋଇରହିବାକୁ ଭଲଲାଗେ ।

ପ୍ରାରମ୍ଭିକ କ୍ଷଣରେ ସ୍ମୃତିର ସେ ପୁରୁଣା ଝଲକ

ନାଚୁଥାଏ ଆଖି ଆଗେ  ।

ନିର୍ଭୟକୁ ସାଥି କରି

କେତେ ଯେ ସମୟ ହସିହସି ବିତିଯାଏ ।

ଖେଳଖେଳରେ ଶିଶୁ ଅବସ୍ଥାରେ

ବନ୍ଧୁମାନଙ୍କ ସହ ଭିନ୍ନ ଏକ ସମ୍ପର୍କ ସୃଷ୍ଟି ହୋଇଯାଏ ।

ପୁଣି କେତେବେଳେ ମିଛ ଅଶ୍ରୁକୁ ନେଇ

ଅନେକ କାହାଣୀ ରଚନା କରିଲେ ସବୁ କିଛି ମିଳିଯାଏ ।

ରାଗରୁଷା ସହ ଭିନ୍ନ ଏକ ରଙ୍ଗ ମୁହଁରେ ବୋଲିଦେଲେ

ଏ ଦୁନିଆ କୋଳାଇ ନେଇଯାଏ ।

ସମସ୍ତଙ୍କ ସ୍ନେହକୁ ଗୋଟାଇ ଆଣି ଶିଶୁ ସର୍ବଦା ନିଜ ହୃଦୟରେ ରଖିଥାଏ ।

କେତେଯେ ସ୍ବପ୍ନକୁ ନିଜ ମନରେ ସାଉଁଟି

ଆଗକୁ ଧୀରେଧୀରେ ବଢିଥାଏ ।

ସମୟର ଚକ୍ରରେ ଶିଶୁ ଆଜି ଆଗକୁ ଆଗକୁ

ବଢି ବାର୍ଦ୍ଧକ୍ୟରେ ପହଁଞ୍ଚି ଯାଏ ।

ଯେତେ ଚେଷ୍ଟା କଲେ ବି ସେ ଶିଶୁର

ସମୟ କେବେ ବି ଫେରି ନଆସେ ।