ବେଇମାନି ସମୟ

ସମୟକୁ ଦେଖି ଆଶ୍ଚର୍ଯ୍ୟ ଲାଗେ

କେତେ ସ୍ୱାର୍ଥପର ସିଏ

ଅଚିହ୍ନା ଲୋକକୁ ଚିହ୍ନା କରିଦେଇ

ସମ୍ପର୍କଟି ଯୋଡିଦିଏ।

ପୁଣି ଏଇ ସମୟ ସ୍ରୋତରେ

ସମ୍ପର୍କଟି କେବେ ତୁଟିଯାଏ

ଏଥିପାଇଁ ଆଉ କାହାକୁ ନିନ୍ଦିବା

ସମୟର ଦୋଷ ଇଏ।

ଅଚିହ୍ନା ହୋଇ କି ରହିବାଟା

ତା ଠୁ ଭାରି ଭଲ

ଚିହ୍ନା ହୋଇ ପରେ ସମ୍ପର୍କ ଭାଙ୍ଗିଲେ

ଜୀବନଟା ହୁଏ କଲବଲ।

ରେ ସମୟ... ତୁଟିବାର ଥିଲା ସମ୍ପର୍କ ଯଦି

ଚିହ୍ନା କଲୁ ମୋତେ କାଇଁ

ଶେଷରେ କାହିଁକି ଏକା କରିଯାଉ

ତୁ କେଡେ ବେଇମାନି।