ତୁମେ ଆଉଥରେ ଆସ ବାପୁ

ନାହିଁ ଆଉ ସେ ଖଦି

ଆଉ ନାହିଁ ସେ ଚରଖା

ସ୍ବଦେଶୀ ଛାଡି ବିଦେଶୀ ଆଡକୁ

ଆଜି ମୁହାଇଲେଣି ଜନତା

ତୁମେ ଆଉ ଥରେ ଆସ ବାପୁ

କରିଦିଅ ଏହାର ସମାଧାନ।

ସୁନାର ଭାରତ ସ୍ବପ୍ନ ଦେଖିଥିଲ

ଆଜି ହେଉଅଛି ସବୁ ଚୁନା

ଏଠି ମଣିଷ ପାଇଁ

ମଣିଷ ସାଜୁଛି ସାଇତାନ

ତୁମେ ଆଉଥରେ ଆସ ବାପୁ 

କରିଦିଅ ଏହାର ସମାଧାନ।

ଏଠି ହିଂସା ମାର୍ଗରେ ଚାଲୁଛନ୍ତି ସବୁ

ନାହିଁ କିଛି ଆଉ ଅହିଂସା

ଦୋଷୀ ଖସି ଯାଏ ନିର୍ଦୋଷ ଭାବରେ

ନାହିଁକିଛି ଆଉ ବ୍ୟବଧାନ

ତୁମେ ଆଉଥରେ ଆସ ବାପୁ 

କରିଦିଅ ଏହାର ସମାଧାନ।

କରେ ଅନୁରୋଧ ତୁମ ଜୟନ୍ତୀରେ

ନିଅ ଆଉଥରେ ପୁନଃର୍ଜନ୍ମ

ସ୍ବପ୍ନ ର ଭାରତ ଗଢିଡ଼ିଅ ତୁମେ

ଶୁଭୁ ଚାରିଆଡେ ପୁଣି ଥରେ

ତୁମ କୀର୍ତ୍ତୀର ଜୟଗାନ।