କରୁଅଛି ପ୍ରଣିପାତ
କରୁଅଛି ପ୍ରଣିପାତ
1 min
326
ଦୂରରୁ କରୁଛି ସତ ପ୍ରଣିପାତ
ଆହେ ଗୁରୁକୁଳ ମୋର
ଯାଇ ପାରିଲିନି ଦୂରେ ଅଛି ବୋଲି
ଦୋଷ ମୋର କ୍ଷମା କର।
ସମୟର ଜାଲେ ଛନ୍ଦି ହେଇ ଗଲି
ମୁକୁଳି ପାରିଲି ନାହିଁ
ଏବେ ମୁଁ ଭାବୁଛି ଆଜିଭଳି ଦିନ
ମୋ ପାଇଁ ଆସିବ ନାହିଁ।
ହେଇ ପାରିବିନି ଏକଲବ୍ୟ ପରି
ଦେଇପାରିବି ନି ଦକ୍ଷିଣା
ତବ ଋଣ କେବେ ଶୁଝି ହେବ ନାହିଁ
ଯେତେ ଦେଲେ ବି ମୁଁ ପାଉଣା।
ତୁଟିବନି କେବେ ଆମ ଏ ସମ୍ପର୍କ
ରହିଥିବ ଯୁଗ ଯୁଗ
ଯେତେ ବାଧା ବିଘ୍ନ ଆସୁପଛେ
ହେବ ନାହିଁ ଭାଗ ଭାଗ।