ବଡ ଠାକୁର

ତୁମ ବଡପଣ ତୁମ ପାଖେ ରଖ

ଦୀନହୀନ ଜନ ମାଗୁଣି ବାରେ ରଖ

ହୁଅନା ବିମୁଖ ଆହେ ଶ୍ରୀପତି ଶ୍ରୀମୁଖ

ଦିଅ ନାହିଁ ଦୁଃଖ ଯନ୍ତ୍ରଣା ହୁଅନା ବିମୁଖ

ତୁମେ ଦିନବନ୍ଧୁ ଆର୍ତ୍ତତ୍ରାଣ ନିରେଖକୁ ଦେଖ

ତୁମ ଆଶୀର୍ବାଦ ବିନା ଛାର ମଣିଷ ପଶୁ

ଗର୍ବଗଞ୍ଜନ ଅହଙ୍କାର ମାଟିରେ ମିଶୁ

ଦିଅନା ଆଉ ଦୁଃଖ ପ୍ରକାଶି ଯାଉ ସୁଖ

ତୁମେ ଅରକ୍ଷର ରକ୍ଷ ଗୁହାରୀ ମୋ ରଖ

ଜନମ ଦେଇଛ ସୃଷ୍ଟି କୁ ଗଢିଛ

ସବୁତ ତୁମର ଭଣ୍ଡାର ଖୋଲିଛ

ମନେ କିମ୍ପା କରୁଣା ଉଣା କର କଳା ଶ୍ରୀମୁଖ

ଦୁଃଖୀ ଜଣାଇବ କହାକୁ ତା ଦୁଃଖ

ରୋଗ ଋଣ ଶୋକ ଯନ୍ତ୍ରଣା ଦୂର୍ କରି ଦେଖ

ସଭିଏଁ କହିବେ ଚଳନ୍ତି ଠାକୁର ଅରକ୍ଷର ରକ୍ଷ

କାହିକି କରୁଛ ପାତର ଅନ୍ତର ନହୁଅ ନିଷ୍ଠୁର

ଆହେ କଳାକାର କାରିଗର ଜାଦୁ ଗର

ଗରିମା ତୁମର ରହିଥାଉ ଟେକ

ବୋଲାଅ ସଂସାରେ ତୁମେ ଅଛ ବୋଲି ନାହିଁ ତିଳେ ଦୁଃଖ ।