ଲାଇବ୍ରେରୀ
ପ୍ରୋଫାଇଲ୍
ବଡ ଦେଉଳିଆ
ବଡ ଦେଉଳିଆ
ଦରିଆ କୂଳିଆ ଶ୍ରୀନୀଳାଚଳିଆ ବଡ଼ ଦେଉଳିଆ କାଳିଆ
ସହସ୍ର ଫଣିଆ ହଳ ମୂଷଳିଆ ଭାଇ ତ ବଳୁଆ ବଳିଆ
ଭଉଣୀ, ଚାନ୍ଦମୁହିଁ ସୁନା ଥାଳିଆ
ସୁଦରଶନିଆ ସୁଦରଶନୀୟା ଭକ୍ତବତ୍ସଳିଆ ଛଳିଆ |(1)
ମୟୂର ଚୂଳିଆ ପୀତ ଦୁକୂଳିଆ ତୁଳସୀ ଦୟଣା ମାଳିଆ
କଳପ ମୂଳିଆ ସରପ ଦଳିଆ ତଳପ ନାଗ କୁଣ୍ଡଳିଆ
ଚତୁର , ଚଉଦ ବ୍ରହ୍ମାଣ୍ଡ ପାଳିଆ
ଭାବ ରଙ୍କାଳିଆ ଅଘ ପକ୍ଷାଳିଆ ପାପୀପାବନ ଚିରାଳିଆ |(2)
ଭୋକ ବିକଳିଆ ଭୋଗ କବଳିଆ ରସିକିଆ ଘନକାଳିଆ
ସେବକ ମେଳିଆ ଦରପ ଦଳିଆ ମଣ୍ଡିତ ମକର ନୋଳିଆ
ସକଳ, ତ୍ରିଦଶ ଯାହାର ହଳିଆ
ଶଶାଙ୍କଚୂଳିଆ ଚାରି ମଉଳିଆ ପୁରନ୍ଦର ଯାର ତଳିଆ |(3)
ପ୍ରେମ ପାଗଳିଆ ରମଣୀ ଲୁଟିଆ ଦେବଦାସୀ ଅନୁକୂଳିଆ
ଭାନୁଜା କୂଳିଆ କଦମ୍ବ ମୂଳିଆ ଭାନୁଜେମା ପ୍ରେମଭୋଳିଆ
ମାଧବ, ଗୋପୀ ଗୋପାଳଙ୍କ ତୁଳିଆ
ଦଳା କଜ୍ଜ୍ୱଳିଆ କାଇଁଚମାଳିଆ ବେଶ ସାଜ ଭଳିଭଳିଆ |(4)
କମ୍ବୁ କଟକିଆ କୈବଲ୍ୟ ବାଣ୍ଟୁଆ ଗୀତଗୋବିନ୍ଦର ପାଳିଆ
ମନ୍ଦର ଧରିଆ ନାଲି ଅଧରିଆ ଗୋବର୍ଦ୍ଧନ ଗିରି ତୋଳିଆ
ସୁନ୍ଦର, ପଞ୍ଚସଖା ଭାବ ଭୋଳିଆ
ଭଵ ତରଙ୍ଗିଣୀ ତରଣୀ ଚାଳିଆ ଗୋପାଳିଆ ବନମାଳିଆ |(5)
ଲୀଳାବତାରିଆ ହେ ଚକାଡୋଳିଆ ଅରଜୁନ ଘୋଷେ ହଳିଆ
ଚଉବର୍ଗଦିଆ ରତନ ବେଦିଆ ଦୁରନ୍ତ ଦନୁଜ ଦଳିଆ
ଚରଣେ, ଶରଣ ଚଣ୍ଡୀମଙ୍ଗଳିଆ
ରମା ବାଣୀଧବ କରୁଣା ଅର୍ଣ୍ଣବ ଜଗା ତଵ ପଦଧୂଳିଆ (6)
