ବାତ୍ୟା

ମହାବାତ୍ୟା ପରେ ଫନୀ ହୁଡହୁଡ

ଏବେ ବହିଗଲା ୟାସ୍

କରିଗଲା କ୍ଷତି କାଳ ଚକ୍ରବାତୀ

ସାତଖୁଣ ତାକୁ ମାଫ୍ ।

କେନ୍ଦ୍ରିଭୂତ ହୋଇ ଆସେ ଧିରେ ଧିରେ

ସମୁଦ୍ର ଆଡୁ ସେ ମାଡ଼ି

ଛୁଇଁ ସ୍ଥଳଭାଗ ବହେ ଅଣଚାଶ

ଭାଙ୍ଗେ ସବୁ ମୋଡ଼ି ମାଡ଼ି ।

ଗଛ ତାର ଖୁଣ୍ଟ ଘର ଦ୍ୱାର ହୁଏ

ସେ ଅଞ୍ଚଳରେ କ୍ଷତିଗ୍ରସ୍ତ

ମାଡି ଆସେ ପୁଣି ଅଶାନ୍ତ ସମୁଦ୍ର

ଜୀବନ ହୁଏ ବିନଷ୍ଟ ।

ଆଧୁନିକ ଜ୍ଞାନ କୌଶଳେ ମିଳୁଛି

ପାଣିପାଗ ବିବରଣୀ

ସତର୍କ ରହନ୍ତି ଜନ ସାଧାରଣ

ଆଗୁଆ ସୂଚନା ଜାଣି ।

ସରକାରୀ ସ୍ତରେ ଉଦ୍ଧାର ବାହିନୀ

ରହନ୍ତି ସଦା ସଜାଗ

ଯଥା ସମୟରେ ତଡ଼ିତ ବେଗରେ

ଆପଦା ହୁଏ ପ୍ରବନ୍ଧ ।

ବୁଝାଇ ସୁଝାଇ ଲୋକଙ୍କୁ ରଖନ୍ତି

ନିରାପଦ ଆଶ୍ରୟରେ

କମିଲେ ବିପଦ ଲେଉଟନ୍ତି ଗୃହେ

ପ୍ରବନ୍ଧ ହିଁ ରକ୍ଷା କରେ ।

ବାତ୍ୟା ବିଭୀଷିକା ବଡ଼ ଭୟାବହ

ପ୍ରାକୃତିକ ଦୁର୍ବିପାକ

ପ୍ରତିବର୍ଷ ଏହା ଆମ ଉପକୂଳେ

କରିଥାଏ ବିପର୍ଯ୍ୟସ୍ତ ।

ଶିଖିଛି ବହୁତ ଆମରି ଓଡିଶା

ଅତୀତ ଅଭିଜ୍ଞତାରୁ

ସତର୍କ ସଜାଗ ରହୁଛି ସର୍ବଦା

ବାତ୍ୟା ଘଟିବା ଆଗରୁ ।

ପ୍ରଶିକ୍ଷିତ ଆମ ଉଦ୍ଧାର ବାହିନୀ

ପାରଙ୍ଗମ ସେବା କାର୍ଯ୍ୟେ

ଉଚ୍ଚ ପ୍ରଶଂସିତ ଦେଶ ବିଦେଶରେ

ସୁଦକ୍ଷ ନିପୁଣ କର୍ମେ ।

ବାତ୍ୟା ବିପର୍ଯ୍ୟୟ ଏଡିବା ପାଇଁକି

ଲୋଡ଼ା ଦୀର୍ଘ ସୂତ୍ରୀ ପନ୍ଥା

ସୁଚିନ୍ତିତ ଭାବେ ହୋଇଲେ ଯୋଜନା

ପାଇବା ଆମେ ସୁରକ୍ଷା ।