ବାର ମାସ କଥା ମନେ ରଖିଥା

ବଇଷାଖ ମାସେ ଟାଣୁଆ ଖରା

    ଶୁଖିଯାଏ ନଈ ନାଳର ଧାରା ||

ସୂରୁଜ କିରଣ ତାତି ଉଠଇ

   ଅଂଶୁଘାତ କେତେ ପ୍ରାଣ ନାଶଇ ||

ଜ୍ୟେଷ୍ଠ ମାସେ ଗୁଳୁଗୁଳି ଲାଗଇ

     ଆମ ଜଗା ଅଣସରେ ରହଇ ||

 ଏହି ମାସ ଶେଷେ ରଜ ପରବ

     ପାଚିଥାଏ ସବୁ ପଣଷ ଆମ୍ବ ||

 ଆଷାଢ, ଶ୍ରାବଣେ ବରଷା ଧାରା

      ସବୁଜିମା ଭରି ହସଇ ଧରା ||

 କୃଷକର ମନ ଆନନ୍ଦ ଥାଏ

   କ୍ଷେତ ବାଡ଼ି କାମେ ମନ ଲଗାଏ ||

 ଭାଦ୍ର ଆଶ୍ୱିନରେ ଶୋଭା ପସରା

      ମାଆ

Advertisement

ଅବତରି ଆସନ୍ତି ଧରା ||

 ଧରମ ମାସ ଯେ କାର୍ତ୍ତିକ ମାସ

       ହବିଷ କରନ୍ତି ନାରୀ ପୁରୁଷ ||

  ମାର୍ଗଶିରେ ଲକ୍ଷ୍ମୀ ପୂଜା ପାଆନ୍ତି

    ଘରେ ଘରେ ଝୋଟି ଚିତା ପକାନ୍ତି ||

  ପୌଷ ମାଘେ ଶୀତ ହୁଅଇ ନିତି

      କାଲୁଆ ପବନେ ଥରଇ ଛାତି ||

  ଫାଲ୍ଗୁନ ଚୈତ୍ର ଆସିଲେ ଧରା

        ମଳୟ ପବନ ବହଇ ପରା ||

  ବାରମାସେ ତେରେ ପରବ ଛୁଟେ 

      ଆମ ପରମ୍ପରା ମହାନ ଅଟେ ||