ଲାଇବ୍ରେରୀ
ପ୍ରୋଫାଇଲ୍
ବାପା ମାଆ ଦୁହେଁ ଅଟନ୍ତି ଠାକୁର
ବାପା ମାଆ ଦୁହେଁ ଅଟନ୍ତି ଠାକୁର
1 min
374
ବଞ୍ଚିଥିବା ବେଳେ ଦେଇ ପାରିଲନି
ଖାଇବାକୁ ଗଣ୍ଡେ ଗିନାରେ
ମରିଗଲା ପରେ ଖାଇବାକୁ ଦେଲ
ଶାଳ ପତରର ଦୋନାରେ
କାଉ ଓ କୁକୁର ଝୁଣୀ ଖାଇଗଲେ
ଯାହା ଦେଇଥିଲ ଦୋନାରେ
ମିଛରେ ମିଛରେ କାନ୍ଦି ସୁଣାଇଲ
ବାପା ମାଆ ଥିଲେ ଠାକୁରେ
ବଞ୍ଚିଥିବା ବେଳେ ଶ୍ରଦ୍ଧା କଲ ନାହିଁ
ଯେତେବେଳେ ଥିଲେ ପାଖରେ
ମରିଗଲା ପରେ ତାହାଙ୍କୁ ଖୋଜିଲ
ଆକାଶର ତାରା ମେଳରେ
ତୁମରି ସନ୍ତାନ ଦେଖିଲା ସିଖିଲା
ଯାହା କଲ ଘର ଭିତରେ
ତୁମର ସନ୍ତାନ ସେମିତି କରିଲେ
କହିବ ଥିଲା ମୋ ଭାଗ୍ୟରେ
ତୁମେ ଯଦି ତୁମ ମନ ଦେଇଥିବ
ବାପା ମାଆଙ୍କର ସେବାରେ
ତୁମର ସନ୍ତାନ ଦେଖିବ ଶିଖିବ
ତୁମକୁ ରଖିବ ସୁଖରେ
ଯେ ଯାହା କରଇ ସେ ତାହା ଭୁଞ୍ଜଇ
ଲେଖା ହୋଇ ଅଛି ଗୀତାରେ
ଏ କଥାକୁ ଯଦି ମନରେ ରଖିବ
ଜୀବନ କଟିବ ସୁଖରେ ।
