ବାପା କହିଛନ୍ତି

ବାପା କହିଛନ୍ତି

ସୁନାପିଲା ମୋତେ ହେବାକୁ

ପଢାରେ ଏଣିକି

ଭଲକରି ମନ ଦେବାକୁ

କହିଛନ୍ତି ପୁଣି

ଚଗଲାମୀ ଥାଉ ସେତିକି

କଥାକୁ ମୋହର

ରଖିଥିବୁ ମନେ ଚେତିକି

ବୁଲାବୁଲି କରି

ସମୟ ତୁ ସାରି ଦେବୁନି

ଖଚମିଛ କହି

ଅଳସୁଆ କେବେ ହେବୁନି

ପାଠରେ କାହାକୁ

କରିବୁନି ତୁହି ନକଲ

ଲାଗିଥିବୁ ସଦା

ଖଟେଇ ନିଜର ଅକଲ

ତୋର ହାତଲେଖା

ଲିପିକୁ କରିବୁ ସୁନ୍ଦର

ମାଆ ପାଶେ ଆଉ

ଲାଗିବନି ତୋର ହୁନ୍ଦର

ବାପାଙ୍କ କଥାକୁ

ଦେଖାଇବି କରି କାମରେ

କେତେବେଳେ ହେଲେ

ନ ଯିବି କଥାର ବାମରେ

ଦେଖି ସେ କହିବେ

ଭଲ ବୁଦ୍ଧି ହେଉ ତୋହର

ହେବି ସୁନାପିଲା

ଖୁସି ହେବେ ବାପା ମୋହର