ବାହୁଡ଼ା ଯାତ୍ରା

ସମୟ କାହାକୁ ଅପେକ୍ଷା କରେନି

ଜାଣିହୁଏ ନାହିଁ ଯାଏରେ ଚାଲି

ଶ୍ରୀଗୁଣ୍ଡିଚା ଯାଇ ମହାପ୍ରଭୁଙ୍କର

ବାହୁଡ଼ା ଯାତରା ପଡ଼ଇ କାଲି ।

ଘରଛାଡ଼ି କିଏ ଗଲେ ବାହାରକୁ

ଫେରିଆସେ ପୁଣି ନିଜ ବାସକୁ

ଗୁଣ୍ଡିଚାରେ ଯାଇ ବାହୁଡାରେ ପ୍ରଭୁ

ଫେରିଆସିଥା'ନ୍ତି ନିଜ ପୀଠକୁ ।

ସ୍ୱଗୃହକୁ ପ୍ରତ୍ୟାବର୍ତ୍ତନ ସମୟେ

ଯେପରିକି ବ୍ୟକ୍ତି ଫେରେ ଖୁସିରେ

ବାହୁଡାରେ ପରା ଫେରନ୍ତି ଶୀକ୍ଷେତ୍ର

ଖୁସିରେ ସେପରି ତିନି ଠାକୁରେ ।

ରାଜା ଯେପରିକି ପ୍ରାସାଦୁ ବାହାରି

ଦୁଃଖ ଶୁଣିଥା'ନ୍ତି ବୁଲି ରାଜ୍ୟରେ

ଭକ୍ତ ଦୁଃଖ ଦୂର କରିଥା'ନ୍ତି ପ୍ରଭୁ

ରଥେ ବୁଲି ଏହି ରଥଯାତରେ ।

ଶ୍ରୀଗୁଣ୍ଡିଚା ଯାତ ପରି ବାହୁଡ଼ାରେ

ଭକତ ହୁଅନ୍ତି ଏକାଠି ପୁଣି

ଶ୍ରୀମନ୍ଦିର ମୁଖେ ତିନୋଟି ରଥକୁ

ଭକତିର ସହ ନିଅନ୍ତି ଟାଣି ।

ଭକ୍ତି ଯୋଗୁଁ ପ୍ରଭୁ ଦାସିଆ ନଡ଼ିଆ

ଆନନ୍ଦରେ କରିଥିଲେ ଗ୍ରହଣ

ଘୋର ଅରଣ୍ୟରେ ଶୀକାରୀ କବଳୁ

ରଖିଥିଲେ ସ୍ଵୟଂ ମୃଗୁଣୀ ପ୍ରାଣ ।

କ୍ଷଣିକ ପାଇଁରେ ଆସିଛୁ ମହୀକୁ

ଆୟୁ ସରିଗଲେ ଯିବା ବାହୁଡ଼ି

ବାହୁଡ଼ା ଆସିଛି ରଥ ଟାଣିବାକୁ

ଯିବା ଚାଲ ଟିକେ ସମୟ କାଢ଼ି ।