ବାହାର-ଭିତର : ଡକ୍ଟର କୃତ୍ତିବାସ ନାୟକ

ପିମ୍ପୁଡ଼ି-ପୋକ ବନ୍ୟାଜଳରେ ଯାଆନ୍ତି ଭାସିଭାସି,

ତାକୁ ପାଇଲେ ମାଛ ଖାଆନ୍ତି ହୁଅନ୍ତି ଭାରି ଖୁସି |

ବନ୍ୟା ଛାିଡ଼ିଲେ ପାଣି ଶୁଖିଲେ ମାଛ ଯାଆନ୍ତି ମରି,

ମନଖୁସିରେ ପିମ୍ପୁଡ଼ି-ପୋକ ଖାଆନ୍ତି ତାକୁ ଘେରି |

ଯାହାକୁ ଆମେ ଭାବୁଛି ଛୋଟ କାଲି ସେ ହେବବଡ଼,

ଦୁର୍ବଳ ଦିନେ ସବଳହୋଇ ଜିତିବ ଆମଗଡ଼ |

କାଲି ଯେଉଠି ମଶାଣି ଥିଲା ସେଇଠି କୋଠାହୁଏ,

କାଲି ସେ କୋଠା କଅଣ ହେବ କହି ପାରିବ କିଏ ?

ରୂପ-ଯୌବନ ଆଣେ ଗରବ ରହେନା ବେଶିଦିନ,

ଧନଗରବ ଜ୍ଞାନଗରବ କେବେ ବି ନିଏ ପ୍ରାଣ |

କାହାକୁ ଦୁଃଖ ଦେବାରେ କିଛି ବଡ଼ପଣିଆ ନାହିଁ,

ନିଜେ କାନ୍ଦି ଯେ ହସାଇ ପାରେ ସୁଖୀ ମଣିଷ ସେହି |