ବାଏ ଗୁଡ୍ ନାଇଟ୍

ମୁଁ ଚାହେଁନି ଗୁଡ୍ ନାଇଟ୍ କହି

ମୋ ରାତିର ବୟସକୁ, 

ସକାଳ ଆଡ଼କୁ, ତୁମେ

ଜୋର୍ ଜବରଦସ୍ତ କରି, ଠେଲି ଦେଇଯାଅ ବୋଲି !

ତୁମ ଗୁଡ୍ ନାଇଟ୍ ରୁ ହିଁ ତ

ମୋ ରାତିର ବୟସ ସାରିବାକୁ 

ଆରମ୍ଭ ହୁଏ;

ତା' ପରେ, 

ମୋ ପୃଥିବୀରୁ

ଧିରେ ଧିରେ କରି, ସବୁତକ ଅନ୍ଧକାର ସରେ,

ତୁମେ ଆଲୁଅକୁ 

ଆମନ୍ତ୍ରଣ ଦେଇଗଲା ପରେ ।।

ମୁଁ ତ କେତେ ଥର କହିଛି

ଅନ୍ଧାକର ମୋ ମିତ୍ର, ଆଉ 

ଆଲୁଅ ସହ ମୁଁ ବଇରି ପାଳିଛି ।।

ଏ 

ରାତି, 

ଅନ୍ଧାର,

ନୀରବତା,

ନିଃସଙ୍ଗତାରୁ ହିଁ,

ମୋ ସ୍ବପ୍ନ ଗୁଡ଼ିକ ଅନ୍ତସ୍ୱତା ହୋଇ,

ଆଶା ଆକାଂକ୍ଷାର 

ସନ୍ତାନ ସନ୍ତତିକୁ ଜନ୍ମ ଦିଅନ୍ତି;

ତେବେ କଣ ?

ତୁମେ ମୋ ରାତିକୁ ଛଡ଼େଇ ନେବାକୁ 

ଚାହଁ, ମୋ ' ଠୁ ;

ଆଶା ଆକାଂକ୍ଷାର ଭ୍ରୁଣ ଜନିତ 

ହତ୍ୟାରେ ଦୋଷୀ ସାଜିବ ? 

ଦଣ୍ଡ ପାଇବ ? 

ଏଇ ! ସତ କହିଲ,

ମୋ ' ଠୁ 

ରାତିକୁ ଛଡ଼େଇ ନେଇ

ତୁମେ କଣ

ସୁଖୀ ହୋଇବ ?