ଅଯୋଧ୍ୟାର ରାମଲାଲା
ଅଯୋଧ୍ୟାର ରାମଲାଲା
ରାମରାଜ୍ୟ ଆଜି ସୃଷ୍ଟି ହୋଇଲା
ଗାନ୍ଧୀଙ୍କ ସପନ ପୂରଣ ହେଲା
ପ୍ରତି ଘରେ ପ୍ରତି ନଗର ପଲ୍ଲୀରେ
ରାମମୟ ପ୍ରେମ ବିତରି ଗଲା ।
ଅଯୋଧ୍ୟା ନଗରୀ ରାମ ଧ୍ବନିରେ
ମନ୍ଦ୍ର ପ୍ରକମ୍ପିତ ହୋଇ ଉଠେରେ
ଶଙ୍ଖନାଦ ଦୀପ ପ୍ରଜ୍ବଳିତ ହୋଇ
ପ୍ରଭୁ ଶ୍ରୀରାମଙ୍କୁ ସ୍ଵାଗତ କରେ ।
ଛାଡ଼ି ଲୋଭ ମୋହ ମାୟା ସଂସାରେ
ଭଜୁଛନ୍ତି ରାମ ନାମକୁ ଜନେ
ଶାଶ୍ଵତ ସତ୍ୟ ଏ ନାମଟି ଅନ୍ତରେ
ନେବା ପାଇଁ ହୁଏ ନିଶ୍ଚିତ ଦିନେ ।
ହିନ୍ଦୁ ମୁସଲ୍ମାନ ଶିଖ ଇଶାଇ
ଭବ୍ୟ ଉତ୍ସବରେ କାନ୍ଧ ମିଳାଇ
ବିଗ୍ରହ ମୂର୍ତ୍ତିକୁ ସ୍ଥାପନ କରିଲେ
ଆମେ ଭାଇଭାଇ ଭାବକୁ ନେଇ ।
ସନାତନ ଧର୍ମ ମୂଳ ମନ୍ତ୍ରଟି
ସତ୍ୟ ଅହିଂସା ଓ ଦୟା କ୍ଷମାଟି
ଜାତି ନୁହେଁ କେବେ ଅଲଗା ଅଲଗା
ଆମେରେ ମନୁଷ୍ୟ ଏକ ଜାତିଟି ।
ଥିଲା ଦିନେ ଏହି ସ୍ବପ୍ନ ଗାନ୍ଧୀଙ୍କ
ଆମେ ହୋଇଯିବା ସଭିଏଁ ଏକ
ଉଚ୍ଚ ନୀଚ୍ଚ ଭାବ ମନରେ ନ ରଖି
ରଖିଯିବା ଦେଶ ଜାତିର ଟେକ ।
ଅନ୍ୟାୟ ଦୁର୍ନୀତି ତେବେ ହଟିବ
ସୁନାର ଭାରତ ଗଠନ ହେବ
ରାତି ବାରଟାରେ ନାରୀଟିଏ ଜାଣ
ମୁକ୍ତ ହୋଇ ଯେବେ ବୁଲି ପାରିବ ।