ବ୍ୟାସକବି
ବ୍ୟାସକବି
ଓଡ଼ିଆ ଜାତିର ଅପୂର୍ବ ବିନ୍ଧାଣୀ
ସ୍ଵତନ୍ତ୍ର ଭାଷାର ଜୀବନ୍ୟାସ ଆଣି
ଓଡ଼ିଶାକୁ କଲ ତୁମେ ମହାନ
କଥା ସମରାଟ ହେ ମହାନାୟକ
ବ୍ୟାସ ଉପାଧିକୁ କଲ ଧାରଣ ।
ଗଳ୍ପ ଉପନ୍ୟାସ ସୃଜନର ସ୍ରଷ୍ଟା
ତୁମେ କରିଥିଲ ଭାଷାପ୍ରତି ନିଷ୍ଠା
ଉଜାଗରେ ଲେଖି କାବ୍ୟ କାହାଣୀ
ଯୁଗ ଯୁଗ ପାଇଁ ହୋଇଲ ଅମର
ଉତ୍କଳ ମାଟିର ମଉଡ଼ମଣି ।
ଲକ୍ଷ୍ମଣ ତୁଳସୀ ସେନାପତି କୋଳେ
ଜାତ ହୋଇଥିଲ ମାହେନ୍ଦ୍ର ବେଳେ
ମଲ୍ଲିକାଶପୁର ବୀର ନରେଶ
ଗୀତା ଭାଗବତ ଲେଖା ଅନୁବାଦ
କରିଲ ଉଜ୍ଜ୍ୱଳ ଏ ଉଡ୍ର ଦେଶ ।
ରେବତୀ ଛମାଣ ଆଠଗୁଣ୍ଠ ପୁଣି
ମାମୁଁ ଲଛମା ଓ ପୂଜାଫୁଲ ବାଣୀ
ଅବସର ବାସ ବୌଦ୍ଧବତାର
ରମ୍ୟରଚନାରେ ପ୍ରକାଶିତ କଲ
ରାଣ୍ଡିପୁଅ ଅନନ୍ତା ବାସ୍ତବ ଚିତ୍ର ।
ସର୍ବେ ଜାଣିଥିଲେ ଫକୀର ମୋହନ
ବାଲେଶ୍ଵର ଜିଲ୍ଲା ତୁମରି ଧାମ
ସଂକ୍ରାନ୍ତିରେ ତୁମେ ଜନ୍ମ ହୋଇଥିଲ
ସଂକ୍ରାନ୍ତିରେ ପୁଣି ବାହୁଡ଼ି ଗଲ
ସଂକ୍ରାନ୍ତି ପୁରୁଷ ସାର୍ଥକ ନାମ ।