ଲାଇବ୍ରେରୀ
ପ୍ରୋଫାଇଲ୍
ଅତିଥି
ଅତିଥି
ଅତିଥି ଆମର ଈଶ୍ୱର ସମାନ
ହିନ୍ଦୁ ଧର୍ମ ଅନୁସାରେ
ଅତିଥିଙ୍କ ସେବା କରିଲେ ଭଲରେ
ଥିବା ଯେ ଆମେ ଖୁସିରେ ।
ଆସିଲେ ଅତିଥି ଘରକୁ ଆମର
ପାଦ ତାଙ୍କ ଧୋଇଦେବ
ମୁଖ ଧୋଇବାକୁ ପିଇବା ପାଇଁକି
ଜଳ ତାଙ୍କୁ ଆମେ ଦେବା ।
ଗୁରୁଜନ ଯଦି ହୋଇଥିବେ ସିଏ
ପ୍ରଣାମ ତାଙ୍କୁ କରିବା
ହସ ହସ ମୁହେଁ ଘରକୁ ଡାକିବା
ଭିତରକୁ ନେଇଯିବା ।
ପଚାରିବା ତାଙ୍କ ଭଲ ମନ୍ଦ କଥା
ଆସିବାର ପ୍ରୟୋଜନ
ଆସନ ପାରିକି ବସାଇବା ତାଙ୍କୁ
ଦେବା ଯେ ତାଙ୍କୁ ଭୋଜନ ।
ଘରେ ଥାଉ ଯାହା ଖାଦ୍ୟ ତାଙ୍କୁ ଦେବା
ଆଦରେ ପାଛୋଟି ନେବା
ସେବା ଯତ୍ନ ଦେଇ ଘରେ ଯେ ରଖିବା
ହତାଦର ନ କରିବା ।
ଅତିଥିଙ୍କ ସେବା କରୁଥିଲେ ଆମେ
ଈଶ୍ୱର ତ ଖୁସି ହେବେ
ଅତିଥି ଆମର ଈଶ୍ୱର ସମାନ
ଈଶ୍ୱର ଆଶିଷ ଦେବେ ।
ଈଶ୍ୱର ଆସନ୍ତି ଅତିଥି ହୋଇଣ
ପରୀକ୍ଷା ତ କରିଥାନ୍ତି
ସେବା ଦୟା କ୍ଷମା ମଣିଷ ପାଖରେ
ପରଖୀ ସେ ନେଇଥାନ୍ତି ।
ନିଜ ପେଟ ପଛେ ଭୋକେ ଜଳୁଥାଉ
ଅତିଥି କୁ ଖାଦ୍ୟ ଦିଅ
ଗୋଟେ ଗୁଣ୍ଡା ଦେଲେ ଖାଇବାକୁ ତାଙ୍କୁ
କୋଟି ଆଶିଷ ଯେ ପାଅ ।
କେବେ ଯେ ଅତିଥି ମଣିଷ ରୂପରେ
କେବେ ଯେ ହୁଅନ୍ତି ପଶୁ
ତଡିବନି କେବେ ଘରର ଦୁଆରୁ
ଭାବିକରି ତାଙ୍କୁ ପଶୁ ।
ଅତିଥିଙ୍କ ସେବା କରୁଥିବା ବେଳେ
ହସ ହସ ମୁହେଁ ଦେବ
ଉପରେ ଦେଖେଇ ଭିତରେ ରାଗିଲେ
କିଛି ତହିଁ ନ ମିଳିବ ।
ଶତ୍ରୁ ହେଇ ଅବା ମିତ୍ର ସିଏ ହେଉ
ଅତିଥି ରୂପେ ଯେ ଆସେ
ତାଙ୍କୁ ଆଦରରେ ପାଛୋଟି ତ ନେଲେ
ଘର ତୁମ ସଦା ହସେ ।
