ଲାଇବ୍ରେରୀ
ପ୍ରୋଫାଇଲ୍
ଅସରା ଗିତୀ
ଅସରା ଗିତୀ
1 min
136
ଜୀବନ ଧରିଛି ଜୀଇଛି ମରୁଛି
ଜଗତେ ମୁଁ ଯାହା ପାଇଁ
ପ୍ରିୟତମ ମୋର ଅତି ଆପଣାର
ଦେଖା ଦେଇ ଗଲ କାହିଁ
ରୂପାଥାଳି ପରି ତୋଫା ନୁହେଁ ମୁହିଁ
ପସନ୍ଦ କରିଲ ମତେ
କି ଦେଖିଲ ଗୁଣ ଝୁରୁଛି ପରାଣ
ତୁମଠି ସୁଷମା ଯେତେ
ଦି ଦିନର ଏଇ ଜୀବନ ଯାତ୍ରା ରେ
ପୂନେଇ ଉଆଁଁସ ଥାଏ
ସୁଖ ଆସେଯାଏ ଦୁଃଖ ଆସେ ଯାଏ
ତୁମ ସାଥେ ସଦାଥାଏ
ଜାଣିନି କାଲିର ସକାଳ ମୋ ପାଇଁ
ଆଲୋକ ଅବା ଅନ୍ଧାର
ତୁମେ ସାଥେ ଥିଲେ ପ୍ରିୟତମ ମୋର
ନାହିଁ ମୋ କାହାକୁ ଡ଼ର
ଉଡିବି ବୁଡିବି ଦୁନିଆ ହାଟରେ
ଡେଣା ରେ ଅସୀମ ଶକ୍ତି
ତୁମ ପ୍ରେମ ଦିଏ ଜୀବନେ ସାହସ
ଗାଉଛି ଅସରା ଗିତୀ
ଆସ ମିଳନର ୠତୁ ଉପଗତ
ଡେରି କରନାହିଁ ଆଉ
ବେଳ ସରିଲାଣି ହେବ ଲେଉଟାଣି
ମାନ ଅଭିମାନ ଥାଉ
