ଅଶ୍ରୁଳ ବିଦାୟ ହେ ମାଆ ସ୍ଵରାଜ
ଅଶ୍ରୁଳ ବିଦାୟ ହେ ମାଆ ସ୍ଵରାଜ
ବିଶ୍ଵାସ ହେଉନି ତୁମେ ନାହଁ ବୋଲି
ହେ'ମାଆ ମମତାମୟୀ
ମାଆ ଭାରତୀର ସୁଯୋଗ୍ୟା ସନ୍ତାନ
ସୁବର୍ଣ୍ଣ ଅଧ୍ୟାୟ ଧ୍ୟାୟୀ ।
ଅଭୁଲା ସ୍ମୃତିର ସଚିତ୍ର ଅଧ୍ୟାୟ
ଓଜସ୍ଵୀ ବକ୍ତବ୍ୟ ଭାଷି
ସୁବର୍ଣ୍ଣ ଯୁଗର ହେଲା ଅବସାନ
ମିୟମ୍ରାଣ ଦେଶବାସୀ ।
ରାଜନେତ୍ରୀ ଭାବେ ଥିଲତ ସର୍ବାଗ୍ରେ
ଝୁରୁଛି ଏ'ସାରା ଦେଶ
ପର ଉପକାର ଥିଲା ତବ ବ୍ରତ
ମୁଖେ ଫୁଟୁଥିଲା ହସ ।
ମହା ଅନୁଭବି ହୃଦୟେ ଦରଦୀ
ସୁଷମା ସ୍ଵଭାବି ମାତା
ଅଭିଜ୍ଞାତା ପୁର୍ଣ୍ଣ ଜୀବନ ସଂଘର୍ଷ
ଥିଲ ମା' ଜଗତ ଜିତା ।
ସଂସଦ ସୁପୁତ୍ରୀ ତେଜସ୍ଵୀନି ନାରୀ
ମନ୍ତ୍ରୀ ସୂତ୍ରୀ ସୌଭାଗିନୀ
ଗୁରୁ ଦାୟିତ୍ଵର ସୁଲଭା ସ୍ଵାକ୍ଷର
କର୍ମକାର ବିଜୟିନୀ ।
ଚଳଚିତ୍ର ଶିଳ୍ପ ତୁମ୍ଭରି ସ୍ଵିକୃତ
ମାନ୍ୟତାର ଚିରଛବି
ଋଣ ପ୍ରଦାୟିକା ଆଦେଶ କାରୀକା
ଝୁରୁଛିତ ଶିଳ୍ପୀ ଭାବି ।
ସଂସ୍କୃତ ଭାଷାର ଗୌରବ ପାଣ୍ଡିତ୍ୟ
ଅଶେଷ ବିଭବ ଖ୍ୟାତି
ସୁକନ୍ୟା ପ୍ରବୀଣା ସୁଷମା ବିଭବା
ଆଇନ ବିଦ୍ୟାର ଜ୍ୟୋତି ।
ବୈଦେଶିକ ମନ୍ତ୍ରୀ ସୁଷମା ସୁପୁତ୍ରୀ
ସ୍ମୃତିର ଅଲିଭା ଦୀପ
ସଂକଟ ବିପଦେ ଯଦିକେ ବିଦେଶେ
ଉଦ୍ଧାରନ୍ତି ତାକୁ ନିଶ୍ଚ ।
ସୂଚନା ଚେତନା ସତେ ସ୍ଵୟଂପୂର୍ଣ୍ଣା
ପ୍ରସାରଣ ଅଧୀକାର୍ତ୍ତା
ସଂସଦରୁ ଚିତ୍ର ସିଧା ପ୍ରସାରଣ
ତୁମରି ସ୍ଵିକୃତ ବାର୍ତ୍ତା ।
କୂଟନୀତି ସ୍ତରେ ସ୍ଵରାଜ ମା'ହସେ
ବିଦେଶ ମାଟିରେ ଖ୍ଯାତି
ପ୍ରମୁଖଦେଶର କେତେ ରାଷ୍ଟ୍ରମୁଖ୍ୟ
ଶିକ୍ଷାପରା ଲଭିଛନ୍ତି ।
ସ୍ଵରାଜ କୌଶଳ ପତି ମହୋଦୟ
ବାହୁନି କାନ୍ଦନ୍ତି ଆଜି
ଆହେ ପ୍ରାଣ ପ୍ରିୟା ଗଲ କାହିଁ ଏକା
କେମିତି ବଞ୍ଚିବି ମୂର୍ଚ୍ଛି ।
ସୁକନ୍ୟା ବାଂଶରୀ ହଉଚିତ ଝୁରି
କାହିଁଗଲ ସୁନାମାମା
କଲକି କପଟ କୁହ ମାଆ ସତ
କାଳତ' ପୁରିନି ଜମା ।
ଶେଷ ଶ୍ରଦ୍ଧାଞ୍ଜଳୀ କରୁଛି ଅର୍ପଣ
ହେ' ମାଆ ମମତାମୟୀ
ପୁଣି ଆଉଥରେ ଜନ୍ମୀବ ଭାରତେ
ସୁଷମା ନାମକୁ ଧ୍ୟାୟୀ ।
ସ୍ମୃତିରେ ରହିବ ତୁମ ଯଶମାନ
ଭାରତର ପ୍ରତି କୋଣେ
ତୁମ ସମ୍ଭାଷଣ ହୃଦୟ ସଂଗତ
ସଭିଙ୍କର ମନଜିଣେ ।
ମଥାର ସିନ୍ଦୁର ଅଲିଭା ସନ୍ତକ
କପାଳେ ସିନ୍ଦୂର ବିନ୍ଦି
ଲୁହରେ ଭିଜିଲା ଲୋଧୀର ଶ୍ମଶାନ
କାନ୍ଦି ପକାଇଲେ ମୋଦି ।