ଅଶାନ୍ତ ଆକାଶ

ଭଲ ପାଇଥିଲି ଭଲ ମୁଁ ପାଉଛି 

ଭଲ ପାଉଥିବି ପ୍ରିୟା

ଭିଜୁଥାଉ ପଛେ ଆଖି ଦୁଇ ମୋର

ଜଳୁଥାଉ ମୋର ହିଆ I

ତୁମରି ପ୍ରେମରେ ବନ୍ଧା ମୋ ଜୀବନ

ମୁକୁଳିବା ଲୋଡାନାହିଁ

ଜଳିଯାଉ ପଛେ ହୃଦୟଟି ମୋର

ଆଖି ଲୁହ ହେଉ ନଈ I

ଯେତେପାର ସଖୀ ଆଘାତ ଦିଅ ଗୋ

ହସି ହସି ଯିବି ସହି

ସବୁ ଯନ୍ତ୍ରଣାକୁ ଆପଣେଇ ନେବି

ଆଖି ଲୁହ ପିଇ ପିଇ I

ତୁମେ ପରା ମୋର ଆଶାର ଆକାଶ

ହୃଦୟର ଦୀପଶିଖା

ତୁମେ ପରା ମୋର ମନ ମନ୍ଦିରର

ଅଭୁଲା ପ୍ରୀତିର ରେଖା I

ତୁମପାଇଁ ସଖୀ କବିତାରେ ମୋର

ଥିଲାହସ ଏବେ ଲୁହ

କାହିଁକି ଝରୁଛି ଥରୁଟିଏ ମୋତେ

କହିଦିଅ କହିଦିଅ I