ଅସ୍ୱୀକାର୍ଯ୍ୟ
ଅସ୍ୱୀକାର୍ଯ୍ୟ
ମନ୍ଦ କଥା ଚିନ୍ତା କରିବା ମନା
ଦ୍ବିମତେ ମଧ୍ୟସ୍ଥି ହୋଇବା ମନା ।
ପଛ କଥା ମନେ ଭାବିବା ମନା
ଅଲୋଡା କଥାକୁ କହିବା ମନା ।
ଗୁରୁ ନିନ୍ଦା କଥା ଶୁଣିବା ମନା
ଅଯଥା ପ୍ରଶଂସା କରିବା ମନା ।
ଭୋଜ୍ୟ ଦେଇ ଜନ ଗଣିବା ମନା
ଘରେ କଲା ଖର୍ଚ୍ଚ ଲେଖିବା ମନା ।
ବିତର୍କରେ ଭାଗ ନେବାହିଁ ମନା
ଦାନ ଦେଇ ତୁଣ୍ଡେ କହିବା ମନା ।
ଶୟନେ ଦୁଶ୍ଚିନ୍ତା କରିବା ମନା
ନିଦ୍ରାରୁ ସହସା ଉଠିବା ମନା ।
ସମ୍ପର୍କରେ ବିବାଦ କରିବା ମନା
ଅଭ୍ୟାସରେ ଭ୍ରମ ଧରିବା ମନା ।
ଅର୍ଥକୁ ଅନର୍ଥ କରିବା ଶକ୍ତ ମନା
ଖାଦ୍ୟ ଖାଇ ପୁଣି ଖାଇବା ମନା ।
ଭୁଲକୁ ସମର୍ଥନ କରିବା ବି ମନା
ଇଷ୍ଟେ ଦାନକରି ହେଜିବା ମନା ।
ମିତ୍ରରେ ଉଧାର ଦେବାକୁ ମନା
ଚୋରା ଧନ ଭାଗ ଆଣିବା ମନା ।
କଟୁକଥା ଆଗେ କହିବା ମନା
କୁଜନ ସଙ୍ଗତ କରିବା ମନା ।
ଦ୍ବିଅର୍ଥର କଥା କହିବା ମନା
ଆମିଷ ଗୋରସ ଖାଇବା ମନା ।
ଅର୍ଥ ଲୋଭେ ସୁଧ ଆଣିବା ମନା
ଦ୍ବିମିତ୍ର ବେପାର କରିବା ମନା ।
ନଡିଆ ଜଳେ କର୍ପୂର ପିଇବା ମନା
ବେଲ ସଙ୍ଗେ କେଲା ଖାଇବା ମନା ।
ପୁଅ ସାଙ୍ଗ ଝିଅ ହେବାହିଁ ମନା
ଦହି ଫଳ ରାତ୍ରେ ଖାଇବା ମନା ।
ରାତିରେ ତୁଳସୀ ଛୁଇଁବା ମନା
ନାରୀଙ୍କୁ ଗୁପତ କହିବା ମନା ।
ରବିବାରେ ଆମିଷ ଖାଇବା ମନା
ଝିଅପୁଅ ସହଶିକ୍ଷା କରିବା ମନା ।
ଓଦା ବସ୍ତ୍ରେ ପୂଜା କରିବା ମନା
ମହୁ ସଙ୍ଗେ ଘିଅ ଖାଇବା ମନା ।
ସମୟକୁ କେବେ ଭୁଲିବା ମନା
ଉନ୍ନତି ନାମେ ପଛକୁ ଫେରନା ।
ସଂଧ୍ୟାରେ ଆଳତି ଭୁଲିବା ମନା
ପ୍ରଭୁ ନାମ ଜପ ଛାଡିବା ମନା ।