ଲାଇବ୍ରେରୀ
ପ୍ରୋଫାଇଲ୍
ସମ୍ପର୍କ
ସମ୍ପର୍କ
1 min
221
ଜୀବନର ମୂଲ୍ୟବୋଧ ଅନେକ
କଲ୍ଲୋଳିତ ହୃଦୟର ଉଛୁଳା ଢେଉ ହେଉ
କି ବିଚଳିତ ହୃଦୟର ଅମାନିଆ କୋହ
ଏସବୁକୁ ସହଜରେ ସମାହିତ କରିଦିଏ
ଗୋଟେ ଛୋଟିଆ ସମ୍ପର୍କ ll
ସେଇ ସମ୍ପର୍କ..
ଜୀବନର ଅଙ୍କା ବଙ୍କା ରାସ୍ତାରେ
ଯିଏ ଶୀତଳ ଛାଇଟେ ପରି ll
ଆଉ ପୁଣି କିଛି ସମ୍ପର୍କ.
ହାଲକା ଝଡ ତୋଫାନରେ
ମୁଣ୍ଡ ଉପରୁ ଉଡିଯାଇଥିବା
ଛପର ପରି ll
କିଛି ଅତି ସହଜରେ ସଜାଡି ହୁଏ
ଆଉ କିଛି ମୁଠାକୁ ଜାବୁଡି ଧରିଲେ ବି
ହାତରୁ ଖସିଯାଏ
ପାଣି ପରି ବହିଯାଏ ll
ବୁଝିବାକୁ ପଡ଼େ
ନିଜ ଅନ୍ତରକୁ ବୁଝାଇବାକୁ ପଡ଼େ
ଜୀବନରେ ସମ୍ପର୍କ ଟି ଭାରି ମୂଲ୍ୟବାନ
ହେଲେ ସମ୍ପର୍କର ମୂଲ୍ୟ
କେବେ ଆତ୍ମସମ୍ମାନ ନୁହେଁ ll
