ଝୁରୁଛି ସେ ଚିତ୍ରଲେଖା
ଝୁରୁଛି ସେ ଚିତ୍ରଲେଖା
ଅଭିମାନିନୀ ସେ ଚିତ୍ରଲେଖା ଆଜି
ଝୁରୁଛି ତୁମକୁ , ହେ ଅକ୍ଷୟ......
କାହିଁ ଗଲ ଚାଲି ସେ ନିଷ୍ଠୁର ଦେଶକୁ
ତୁମେ ପରା ତାର ପରଚୟ.....
କିଏ ସେ ଭରିବ ଚନ୍ଦ୍ରମଲ୍ଲି ହସ
କିଏ ସେ ଭରିବ ଲାଜ....
ବହି ଆସେ ଲୁହ ହୃଦୟ ବୁକୁରୁ
କିଏ ସେ କରିବ ସଜ....
ତୁମରି ଶବ୍ଦର ସ୍ପର୍ଶରେ ସିନା
ଚିତ୍ରଲେଖା ହୁଏ ସଜ...
କଲମ ମୁନରେ ଆଙ୍କିଦେଉଥିଲ
ତା ଆଖି ପଲକେ ଲାଜ....
ତୁମରି ସାହାସେ କରୁଥିଲା ସିନା
ଚିତ୍ରଲେଖା, ପ୍ରେମ ଚୁକ୍ତି
ତୁମେ ଗଢ଼ିଥିଲ ସେ ଚିତ୍ରଲେଖାକୁ
ଭରି ଦେଇ ପ୍ରେମ ଶକ୍ତି...
ସଂଗୀତ ମାଳାରେ ଗୁନ୍ଥି ଦେଉଥିଲ
ଚିତ୍ରଲେଖା ଓଠେ ହସ....
ଝୁରୁଛି ଆଜି ସେ ତୁମରି କଣ୍ଠର
ସେଇ ଯାଦୁକରୀ ସ୍ପର୍ଶ...
ସେଇ ଯାଦୁକରୀ ସ୍ପର୍ଶ...।