ବନ୍ଧୁ ଟିଏ ଲୋଡ଼ା

ଜୀବନ ରାସ୍ତାଟି ଭାରି ଅଙ୍କା ବଙ୍କା

ସାଥେ ଚାଲିବାକୁ ବନ୍ଧୁ ଟିଏ ଏଠି ଲୋଡ଼ା...

ହସ ଧାରେ ଧାରେ ଲୁହ ପାଦ ଥାପେ

ଲୁହ ପୋଛିବାକୁ ବନ୍ଧୁ ଟିଏ ଏଠି ଲୋଡ଼ା...

ଖୁସିର ପରଶ ହୃଦୟ ବୁକୁରେ

ସାଥେ ହସିବାକୁ ବନ୍ଧୁ ଟିଏ ଏଠି ଲୋଡ଼ା...

କଠୋର ସମୟେ ପାଦ ଟଳ ମଳ

ସମ୍ଭାଳିବା ପାଇଁ ବନ୍ଧୁ ଟିଏ ଏଠି ଲୋଡ଼ା...

ସ୍ୱପ୍ନକୁ ବାନ୍ଧିଲେ ହାତର ମୁଠାରେ

ଗଢିବାକୁ ତାକୁ ବନ୍ଧୁ ଟିଏ ଏଠି ଲୋଡ଼ା .....

ଛୋଟ ଦୀପ ଟିଏ ଜାଳି ଦେବା ପାଇଁ

ଅନ୍ଧାର ଜୀବନେ ବନ୍ଧୁ ଟିଏ ଏଠି ଲୋଡ଼ା....

ଜୀବନରେ ରଙ୍ଗ ଭରି ଦେବ ପାଇଁ

ବନ୍ଧୁ ଟିଏ ଏଠି ଲୋଡ଼ା..

ସୁଖ ଦୁଃଖ ହସ ଲୁହ

ସବୁ ବାଣ୍ଟି ଦେବା ପାଇଁ

ବନ୍ଧୁ ଟିଏ ଏଠି ଲୋଡ଼ା....