ଅlମର ଏ ରାଷ୍ଟ୍ର

ଅlମର ଏ ରାଷ୍ଟ୍ର, ଭାରତ ବର୍ଷ

ଅନୁସରେ ବିଶ୍ୱ ଯାହା ଆଦର୍ଶ

ଜ୍ଞାନ ବିଜ୍ଞାନରେ ସଦା ଉତ୍କର୍ଷ 

ବେଦ ବେଦାନ୍ତର ସାର ନିଷ୍କର୍ଷ |

ଋଷି ମୁନିଙ୍କର ସାଧନା ସ୍ପର୍ଶ

ଦେବ ଲୀଳା ଭୂମି ପୁଣ୍ୟ ସରସ

ଶ୍ରୀରାମ ଶ୍ରୀକୃଷ୍ଣ ଲୀଳା ପୁରୁଷ

ଧର୍ମ ସ୍ଥାପି ଦେଖାଇଲେ ପୌରୁଷ |

ବୁଦ୍ଧ ଶଙ୍କରଙ୍କ ନୀତି ଆଦର୍ଶ

ଗାନ୍ଧୀଙ୍କ ଅହିଂସା ବିଶ୍ୱେ ପ୍ରଶଂସ୍ୟ

ନେତାଜୀ ସୁଭାଷ ବୀରତ୍ୱ ଯଶ

ସ୍ୱାଧୀନତା ପଥ କଲା ନିଷ୍କର୍ଷ |

ଇନ୍ଦିରା ଅଟଳ ଶାସ୍ତ୍ରୀଙ୍କ ଭାଷ୍ୟ

ଦେଶର ଗୌରବ କରେ ବିକାଶ

ମୋଦିଙ୍କ କୁହୁକେ ଅବନୀ ଵଶ

ଏକ ନମ୍ବର ଏ ଭାରତ ବର୍ଷ |

ଧର୍ମ ନିରପେକ୍ଷ ଆମରି ଦେଶ

ଦିଏ ବିଶ୍ୱ ଶାନ୍ତି ମୈତ୍ରୀ ସନ୍ଦେଶ

ଗୋ ଗଙ୍ଗା ତ୍ରିରଙ୍ଗା ଯହିଁ ସୁଦୃଶ୍ୟ 

ଗୀତା ଭାଗବତ ବାଣୀ ପୀୟୂଷ |

ଯୋଗ ପ୍ରାଣାୟାମ ଆସନାଭ୍ୟାସ

ବିଶ୍ୱେ ବିତରିବା ଦିବ୍ୟ ପ୍ରୟାସ

ଅମୃତ ଉତ୍ସବେ ମନୋନିବେଶ 

ବିଶ୍ଵଗୁରୁ ହେଉ ଆମରି ଦେଶ |