ଅପୂର୍ବ ସଂଯୋଗ.
ଅପୂର୍ବ ସଂଯୋଗ.
ସୃଷ୍ଟିକର୍ତ୍ତାଙ୍କ ର ବିଚିତ୍ର ସୃଷ୍ଟିରେ
ଅପୁର୍ବ ସଂଯୋଗ ହୁଏ
ଯେତେ ଦୁରେ ପତ୍ର ପଡ଼ିଥିଲେ ସୁଦ୍ଧା
ଗଛର ନାମ ବୁଝାଏ ।
ଆକାଶରେ କଳା ମେଘଦେଖି କେକୀ
ନାଚୁଥାଏ ପୁଚ୍ଛ ଟେକି
ଅପୁର୍ବ ସଂଯୋଗ ଗଢ଼ିଛନ୍ତି ଧାତା
ପାରିବ କେ ତାକୁ ରଖି ।
ନୀଳ ଆକାଶରେ ତପନ ଉଇଁଲେ
ଫୁଟଇ ଯେ ପଦ୍ମଫୁଲ
ଯେତେଦୂରେ ଥିଲେ ଅପୁର୍ବସଂଯୋଗ
ପାଉଥାଏ ସିଏ ଭଲ ।
ବସନ୍ତର ଆଗମନରେ କୋଇଲି
ପଞ୍ଚମ ତାନରେ ଗାଏ
ଋତୁରାଜ ଚାଲିଗଲେ ପିକସ୍ଵନ୍
କେବେ କି ଶୁଣିଛି କିଏ ।
ଚାନ୍ଦକୁ ଦେଖିଣ ପୋଖରୀ ଭିତରେ
ହସି ଫୁଟେ ନୀଳକଇଁ
ଯିଏ ଯାହା କହୁ ଅପୁର୍ବ ସଂଯୋଗ
ଗଢିଛନ୍ତି ପରା ବିହି ।
ଫୁଲଟି ଫୁଟିଲେ ବାସନାରେ ତାର
ଭ୍ରମର ଆସଇ ଧାଇଁ
ବିଚିତ୍ର ମୟଙ୍କ , ବିଚିତ୍ର ଲୀଳା ରେ
ଅପୁର୍ବ ସଂଯୋଗ ହୋଇ ।