ଅପୂର୍ବ ମିଳନ

କହିବାକୁ ଚାହେଁ ଅନେକ କିଛି

ହେଲେ ଓଠ ଖୋଲି କହି ପାରେନା 

ତମ ହାତରେ ହାତ ମିଳେଇ 

ଚାଲିବାକୁ ଚାହେଁ ଅନେକ ବାଟ

ହେଲେ କାହିଁକି ପାଦ ମୋର ଅଟକି ଯାଏ

ସେକଥା ମୁଁ ଜାଣି ପାରେନା

ତମେ ମୋର ପାଖରେ ଥିଲେ, 

ଲାଗେ ଯେମିତି ମୁଁ ଅଲଗା କେଉଁ ଦୁନିଆରେ ଅଛି, 

ତମ କୋମଲ ହାତରେ ସ୍ପର୍ଶରେ 

ହୃଦୟର ସ୍ପନ୍ଦନ ଶତ ଗୁଣା ହୋଇଯାଏ 

ସତରେ ଯେମିତି ମୁଁ ପାଲଟିଯାଏ 

ଭିନ୍ନ ଏକ ଦୁନିଆର ଭିନ୍ନ ଏକ ପ୍ରେମିକ, 

ଯେଉଁ ପ୍ରେମିକ କି ଶୟନେ ସପନେ ସାନ୍ନିଧ୍ୟାସନେ 

ସବୁବେଳେ କେବଳ ତୁମକୁ ହିଁ ଖୋଜି ବୁଲେ

ଦେବାକୁ ଚାହେଁ ମନଲାଖି ଉପହାର ଟିଏ 

ହେଲେ କାହିଁକି ହାତ ମୋର ଫେରି ଆସେ 

ମୁଁ ନିଜେ ବି ଜାଣି ପାରେନା, 

ରହିବାକୁ ଚାହେଁ ତମ ପାଖରେ ସବୁଦିନ ପାଇଁ, 

ହେଲେ ପରିସ୍ଥିତି ଓ ସମୟର ବନ୍ଧନରେ 

ମୁଁ ଏମିତି ବନ୍ଧା ଯେ,

ଚାହିଁଲେ ବି ତୁମ ପାଖରେ ରହି ପାରେନା

ଏ ଜନ୍ମରେ ତମର ଆଉ ମୋର ସମ୍ପର୍କ 

କେତେ ନିବିଡ଼ କେତେ ଘନିଷ୍ଟ ସେ କଥା 

ବୁଝିକି ମୁଁ ଅବୁଝା ପ୍ରାୟ, 

କାରଣ ମୋ ପାଇଁ ତମେ ଆକାଶ କୁସୁମ 

ମୁଁ ତମ ପାଇଁ ଚିଲିକା ମାଛ, 

ଅପେକ୍ଷା ସେଇ ଦିନକୁ,

ଯେଉଁ ଦିନ ତମର ଆଉ ଏ ବିରହୀ ହୃଦୟର 

ହେବ ଅପୂର୍ବ ମିଳନ