ଅପ୍ରାକୃତ ପ୍ରେମ

ଅପ୍ରାକୃତ ପ୍ରେମ ମୂର୍ତ୍ତି ହେ ରାଧା ମୋହନ

ଯାର ପାଦେ ନମନ୍ତି ଏ ସାରା ଭୁବନ l

ପ୍ରେମ ସ୍ୱରୂପିଣୀ ସେ ଯେ ରାଧା ରାଣୀ

ସମ୍ମୋହିତା ହୋଇ ଧାବେ ବଂଶୀ ସ୍ଵନ ଶୁଣି l

ଯଶୋଦା ନନ୍ଦନ ଅପୂର୍ଵ ବଦନ କଳା ଜହ୍ନ

ବିରାଜିତ କୁଞ୍ଜ କାନନେ ପ୍ରେମେ ହୋଇଣ ମଗନ l

କଳାକାହ୍ନୁ ସ୍ୱରେ ଉଜାଣି ବହେ ଯମୁନା ନୀର

ନିରତେ କରନ୍ତି ଛନ୍ଦେ ନୃତ୍ୟ କୂଳେ ଚିତ୍ତଚୋର l

ଏ ଦେହ ବୃନ୍ଦାବନେ ନିତ୍ୟ ରାହାସ ସ୍ଥଳ

ପ୍ରକୃତି ପୁରୁଷ ରାଧାକୃଷ୍ଣ ଅପୂର୍ଵ ଲୀଳା ଖେଳ l

ନିରନ୍ତର ପ୍ରେମ ସୁଧା ବହେ ସେ ଚରଣୁ

ପାନ କରି ଲଭିବୁ ମୁକତି ମାୟା ମରଣୁ l