ଅପନ୍ତରା ସ୍ଥାନର କାହାଣୀ

କାହିଁ କେଉଁ କାଳୁ ସହରକୁ ଲାଗି

ଅପନ୍ତରା ଟିଏ ଆସି ଅଛି ରହି ।

ଅନାବନା ଗଛ ଲତା ତୃଣ ଗୁଳ୍ମ

ଆଚ୍ଛାଦିତ ହୋଇ ଦିଶେ ଅନୁପମ ।

ଅସରୀରି ଆତ୍ମା ଆବାସ ସ୍ଥଳୀ ସେ 

ଅନେକ ସମୟେ ଜନମନ ତ୍ରାସେ ।

ଶିହରୀ ଉଠଇ ଗଲେ ସେଇ ପଥେ

ସନ୍ଧ୍ୟା ହେଲା ମାତ୍ରେ ବାହାରନ୍ତି କେତେ ।

ଅସରୀରୀ ଆତ୍ମା ହୋଇ ଦଳ ଦଳ

ରଚି ନାନା ବିକଟାଳ କୋଳାହଳ ।

ସେଇ ଭୁତ ଚଢ଼ିଥିଲା ଥରେ ଆସି

କହି ଥାଏ ବହୁ ଗଳପ କାଳିସି ।

ପ୍ରଭାତୀ ତାରାର ପରଶ ପାଇବା 

ସହିତ ଭୁତଙ୍କ ଗହଳ ଭାଙ୍ଗିବା ।

ଶୁଣା ଯାଇଥାଏ କାଳିଶୀ ମୁଖରେ

ଅତିଭୟଙ୍କର ନାଟ ସେ ଠାବ ରେ ।

ଲାଗି ରହି ଥାଏ ଭୁତ ମାନ ଙ୍କର

ଆତଙ୍କ ଖେଳାଇ ଅତି ଭୟଙ୍କର ।