ଅଫୁଟା ଫୁଲ

କୁହ....

ମୁଁ କ'ଣ ସତରେ ଅଲୋଡ଼ା !!

ଜରାୟୁରୁ ଜୀବନର ରାହା ଖୋଜେ,

ମାଆର ବାତ୍ସଲ୍ୟ ଆଉ ପିତାର ପରଶଠୁ ବହୁଦୂରେ -

ହଜିଯାଏ କେଉଁଆଡ଼େ ମୋ'ର କଅଁଳ ଦରଗଢା ମାଂସ ପିଣ୍ଡୁଳାଟା;

ଅବା କେଉଁ ଡଷ୍ଟବିନ୍ ଭିତରେ... ରୁଦ୍ଧ ହୁଏ ଶ୍ୱାସ କେଉଁ ଶ୍ୱାନର ମୁନିଆଁ ଦାନ୍ତରେ,

ହୋଇଯାଏ ବୄନ୍ତଚ୍ୟୁତ ଗୋଟେ-

ଅଭିଶପ୍ତ ଅଫୁଟାଫୁଲର ପାଖୁଡ଼ା ।।

ମୁଁ...କ'ଣ...ସତରେ ଅଲୋଡ଼ା !!!

ମୋର କ'ଣ ମନଟିଏ ନାହିଁ !!

ନାହିଁ କ'ଣ ସ୍ୱପ୍ନଟିଏ ଦେଖିବାକୁ ମାଆର କୋଳରେ ??

ବାପାଙ୍କ ପିଠିରେ ନାଉ ହେବା ଅଧୀକାରଠୁ - 

ସତେ କ'ଣ ବଳିଯାଏ ଯୌତୁକର ଭାର ??

ଯୌବନରୁ ଜରାଯାଏ ଖାଲି ମାଂସର ବିଳାପ ;

ଚମକି ଉଠେ...ଚାରିପାଖେ ଖାଲି ବିକୄତିର ଅଟ୍ଟହାସ୍ୟ,ପାଗଳ ପ୍ରଳାପ -

ଜାଳି ଜାଳି ରକ୍ତର ପ୍ରଦୀପ ;

ରହିଯାଏ ସିନା ଯାହା ନିରସ ଚମଡା ।।

କୁହନା .....

ମୁଁ.. କ'ଣ..ସତରେ ଅଲୋଡ଼ା ???