ଅନୁତାପ

ଅନୁତାପି ସିନା ଅନୁଭବ କରେ

ଅନ୍ୟେ ନ ବୁଝନ୍ତି କଷ୍ଟ,

ବଳକା ଜୀବନ ବଞ୍ଚିବା ପାଇଁ କି

କେବେ ପଥ ହୁଏ ନାହିଁ ଭ୍ରଷ୍ଟ ।

ସୁଖ ଭୋଗିବାକୁ ଜୀବନ ରାସ୍ତାରେ

ଦେଉ ପରେ ଦୁଃଖ ଲଦି,

ସେ ଦୁଃଖରେ ଦୁଃଖି ଅରକ୍ଷିତ ହୋଇ

ଯନ୍ତ୍ରଣାରେ ହୁଏ ରଦି ।

ଦୁଃଖ ଓ ଯନ୍ତ୍ରଣା ନ ଦିଅ କାହାରେ

ନକର କାହାରେ ଦୁଃଖି,

ଯଦିବା ଦେଇଛ, ଅନୁତାପେ ଜଳ

ହୃଦୟେ ସେ ଭାବ ରଖି।

ଅନୁତାପ ପରେ ନ ଆସେ ମନରେ

ପର ଅମଙ୍ଗଳ ଚିନ୍ତା

ବିରାଟ ସଂସାରେ ହଜି ସେ ଭିତରେ

କାଢେ ସେ ମୁକ୍ତିର ରାସ୍ତା।

ଅନୁତାପେ ହୁଏ ମଙ୍ଗଳ ମୂରତି

ପର ନିଜ ନାହିଁ ଭେଦ,

ଯେ ଯାଏ ମନରେ ଏ ଭାବ ନ ଜନ୍ମେ

ମନେ ପାଏ ସଦା ଖେଦ।

ପରର ଦୁଃଖକୁ ମଣି ନିଜ ଦୁଃଖ

ଅନୁତାପ କର ମନେ,

ତୋର ଦିବ୍ୟ ଜ୍ଞାନେ ଫେଡିତା ଆରତ

ଉଦ୍ଧାର ସଂସାର ବନେ।