ଶେଷ ଦିନ
ଶେଷ ଦିନ
ଆରମ୍ଭ ଅଛିତ ଶେଷ ଅଛି ନିଶ୍ଚେ
ନୂଆ କଥା ନୁହେଁ କିଛି
ନୂଆ ହୋଇ ଯାହା ଆରମ୍ଭ ହୋଇଛି
ତାକୁ ପୁରୁଣା କରଇ ପିଛା।
ପୁରୁଣା ରେ ଲେଖା ହୁଏ ସିଏ ଦିନେ
ଯିଏ ଥିଲା ଦିନେ ନୂଆ
ନୂଆ ଟା ପୁରୁଣା ହୁଏ କାଳେ କାଳେ
ଏକଥା ଜାଣନ୍ତି ଛୁଆ।
କୋଡିଏଟା ଖାଲି ଏକୋଇଶି ହେବ
ଗଡାଳିକା ପଥ ଦେଇ
କୋଡିଏର କଥା ରହିଥିବ ମାତ୍ର
କରୋନାର ଦୁଃଖ ପାଇଁ।
ଦିନ ବଦଳୁଛି ଚିହ୍ନ ବଦଳେନି
ଯାହା ଥିଲା ଅଛି ତାହା
ସୂର୍ଯ୍ୟ କିବା ଉଁଏ ପଶ୍ଚିମ ଦିଗରେ
ଅସତ୍ୟେ କିବା ରାହା।
ଜାନୁଆରୀ ଯାଇ ଡିସେମ୍ବର ହୁଏ
ଡିସେମ୍ବର ହୁଏ ଜାନୁଆରୀ
ଗୋଟିଏ ମାଳାର ମାଳି ପରି ଗଡ଼ି
ମାଟି ମା ପାଇଁ ଫୁଲହାର।
ଆମେ ଖାଲି ଯାହା ବଦଳି ଯାଇଛୁ
ବଦଳିଛି ଯେତେ ମନ ଆମ
ଦିନ ବଦଳିନି ଚିହ୍ନ ବଦଳିନି
ବଦଳିଛି ଆମ କାମ ଦାମ।