ଅନୁଭବରେ ଆଷାଢ
ଅନୁଭବରେ ଆଷାଢ
ବରଷା ଆସିଛି ସବୁଜ ଶାଢୀଟେ
ପିନ୍ଧିଛି ଧରଣୀ ରାଣୀ
କୃଷ୍ଣଚୂଡା ଡାଳ ଏଯାଏ କହୁଛି
ଲାଲ ରଙ୍ଗର କାହାଣୀ ।
ଆଷାଢର ଖରା ଦେଉନାହିଁ ଧରା
ବର୍ଷା ଛୁଇଁଲାଣି ମାଟି
ଆଖିରେ ଆଖିରେ ସପନର ରଙ୍ଗ
ଦେହେ ଭରିଲାଣି ତାତି I
ମନ ଖୋଜିଲାଣି ସପନ ସୋହାଗ
ପ୍ରିୟତମା ପ୍ରୀତିଛୁଆଁ
ମିଳନ ଆତୁର ହୃଦୟ ତନ୍ତ୍ରୀରେ
ଲାଗି ଆସିଲାଣି ନିଆଁ I
ଠାକୁରାଣୀ ପାଖେ ଭକ୍ତିଭରେ ଆଜି
ଜଳାଇଛି ଗୋଟେ ଦୀପ
ଶୀତଳ ପବନ ଦେହେ ବାଜିଲାଣି
ସ୍ମୃତି ଆଙ୍କେ ତୁମ ରୂପ I