ଅନୁଭବ...
ଅନୁଭବ...
ବର୍ଷା ଫୁଆର ଦେଖି
ତୁମେ ଖୁବ ଖୁସି ହେଉଛ
ହାତରେ ଗରମ ଚା ର କପ ନେଇ
ତୁମେ ଖୁବ ମଜା ନେଉଛ
ବର୍ଷା କୁ ତୁମେ ବେସ ଉପଭୋଗ କରୁଛ
ବର୍ଷା ରେ ପୁଣି ଭିଜା ମାଟି ର ବାସ୍ନା ରେ
କେତେବେଳେ ପ୍ରିୟା ର ସ୍ମୃତି ରେ
ଗୋଟା ପଣେ ନିଜକୁ ହଜେଇ ଦେଇଛ
ହେଲେ ମୁଁ ଦେଖୁଛି
ମୋ ଭଙ୍ଗା ଚାଳ ରେ
ଟପ ଟପ ବର୍ଷା ପାଣି ଝରିବାର
ଘର ଟା ପୁରା ଭିଜିବାର
ଗୋଟାପଣେ ବତୁରି ଯାଇଛି ଡାଳି, ଚାଉଳ
ଭୋକ ର ଜ୍ୱାଳା ରେ ଜଳୁଛି ମୁଁ
ପେଟ ରେ ନିଆଁ ର ଆସର
ଆଖିରୁ ଝରୁଛି ପୁଣି ନୀର
ଯେମିତି ସେ ଅମାନିଆ ବର୍ଷା ଧାର
ଦୁନିଆ ର ଗହଳି ଭିତରେ ଅନୁଭବ କରେ
ଏକାକୀତ୍ୱ ବୋଧ ର
ହିସାବ ନାଇଁ କାହା ପାଖେ
ମୋ ଅବ୍ୟକ୍ତ କୋହ ର
ସତରେ କେତେ ତଫାତ
ଏ ବର୍ଷା ର ଅନୁଭବ ଟା
ତୁମର ଆଉ ମୋର