ଅନ୍ତରୀକ୍ଷଯାତ୍ରା

ବିଜ୍ଞାନ ଯୁଗରେ ଆଜିର ମାନବ

ଚଢି ମହାକାଶଯାନ

ଯାଏ ଗ୍ରହାନ୍ତର ଦୂର ଅନ୍ତରୀକ୍ଷ

ଚଳାଏ ଅନୁସନ୍ଧାନ ।

ସୈ।ର ମଣ୍ଡଳର ଗ୍ରହ ଉପଗ୍ରହ

ନକ୍ଷତ୍ର ମଣ୍ଡଳ ଭିନ୍ନେ

ଖୋଜେ ଜୀବନର ସମ୍ଭାବନା ସତ୍ତା

ସୃଜନ ମୂଳ କାରଣେ ।

ସନ୍ଧାନ କରଇ ଗ୍ରହ ଚର୍ତୁପାର୍ଶ୍ୱ

ବାୟୁକଣ ଉପାଦାନ

ରହିଛି କି କାହିଁ ଗ୍ରହ ପୃଷ୍ଠପରେ

ବରଫ ବା ଜଳକଣ ।

ପୃଥିବୀ ବାହାରେ ବାସ ଉପଯୋଗୀ

କେଉଁଠି ରହିଛି ସ୍ଥାନ

ବୈଜ୍ଞାନିକ ମାନେ ଚଳାଇ ଅଛନ୍ତି

ପରୀକ୍ଷଣ ନିରୀକ୍ଷଣ ।

ଚନ୍ଦ୍ରର ପୃଷ୍ଠରେ ଥାପିଲେଣି ପାଦ

ଆମ ଅନ୍ତରୀକ୍ଷ ଯାତ୍ରୀ

ମଙ୍ଗଳ ଗ୍ରହରୁ ଆହରିତ ତଥ୍ୟ

ଆଶାର ଉଦ୍ରେକକାରୀ ।

ନୁହେଁ ବେଶି ଡେରି ଆଗାମୀ ସମୟେ

କାଟିବାକୁ ଅବସର

ପୃଥିବୀର ଲୋକେ ପରିଭ୍ରମଣରେ

ଯିବେ ଚନ୍ଦ୍ର ଗ୍ରହାନ୍ତର ।

ଜହ୍ନ ରାଇଜରେ ମଙ୍ଗଳ ଗ୍ରହରେ

ସାଙ୍ଗ ସାଥି ସହ ମିଶି

ବଣଭୋଜି ମଜା ଲାଗିବ ନିଆରା

ମନ ହୋଇଯିବ ଖୁସି ।