ଅନ୍ତର୍ଧ୍ୟାନ
ଅନ୍ତର୍ଧ୍ୟାନ
ଚିନ୍ମୟ ଜଗତେ ପ୍ରଭୁ ତୁମ୍ଭ ଇଛା
ହେଉଛି ପ୍ରତିବିମ୍ବିତ
ଶୀତଋତୁ ନୁହେଁ ,ବିଶ୍ୱବ୍ରହ୍ମାଣ୍ଡରେ
ବାର ଋତୁ ପ୍ରତିଭାତ ।
ତୁମ୍ଭ ଜ୍ଞାନ ବଳେ ବିଶ୍ୱବ୍ରହ୍ମାଣ୍ଡରେ
ସମୁଜ୍ଜ୍ୱଳେ ପ୍ରକାଶିତ
ହେ ସତ୍ୟ ସ୍ୱରୂପ ଅଦ୍ଵିତୀୟ ବ୍ରହ୍ମ
ରଚିଛ ସୃଷ୍ଟି ର ତତ୍ତ୍ୱ ।
ଏହିଶୀତଦିନେ ସୁଫୁଲଉଦ୍ୟାନେ
ଆକର୍ଷିତ କରେ ମନ
କର୍ଣ୍ଣିକାର ପୁଷ୍ପ ଦିଶେ ଅନୁପମ
ନିଘଞ୍ଚ ନିକୁଞ୍ଜ ବନ ।
ମନ୍ଦାର ମଲ୍ଲୀକା, ବଧୂଲି ପୂର୍ଣ୍ଣାଗ
ମାଧବୀ ମାରୁଆ ଯୁଇ
ପୁଷ୍ପ ଫଳ ଯୁତ, ବିଟପି ବଲ୍ଲରୀ
କ ଅଁଳିଛି କେତେ କାହିଁ ।
ତାରକା ଖଚିତ ଗଗନ ସମାନ
ସବୁ ଉଦ୍ୟାନ ଶୋଭାବନ
ସବୁ ପୁଷ୍ପ ପ୍ରାୟ ତାରକା ସମାନ
କରୁଛି ଶୋଭା ବର୍ଦ୍ଧନ ।
ଏହି ସମୟରେ ହେ ସଚ୍ଚିଦାନନ୍ଦ
ସତ୍ୟ ଶିବ ହେ ସୁନ୍ଦର
ସର୍ବ ଶକ୍ତି ମାନ, ସମ ଦର୍ଶୀ ପ୍ରଭୁ
ତୁମ ସୃଷ୍ଟି ବି ମଧୁର ।
ଅନନ୍ତ ଅମୃତ ଆନନ୍ଦ ନିଧାନ
ସର୍ବ ଭୁବନ ବିହାରୀ
ଷଡ଼ରୁତୁ ଠାରୁ ତିନି ଋତୁ ଏଵେ
କୁଆଡେ ଗଲେ ବାହାରି ।
ଶରତ ହେମନ୍ତ ବସନ୍ତ ଋତୁ ତ
ପରିଦୃଶ୍ୟ ନୁହେଁ କାହାରି
ଏ ପ୍ରଶ୍ନ ର ଦବ କିଏ ବା ଉତ୍ତର
ମନ ବୁଝୁ ନାହିଁ ମୋହରି ।
ତୁମରି ସଂସାରଏତେଭଲଲାଗେ
ଗଢିଛ କେତେ ରଙ୍ଗ ରେ
କୋଟିକୋଟିପ୍ରାଣୀ ଗୋଟିଗୋଟି ହୋଇ,
ଚାଲିଛନ୍ତି ଠିକଢଙ୍ଗରେ ।