ଅଂଶୁଘାତ ପ୍ରତିକାର

ସୌରତାପ ବୃଦ୍ଧି ହେଲେ ଅଂଶୁଘାତ

ହୁଏ ଏହି ଖରାଦିନେ

ଏଥିରୁ ସୁରକ୍ଷା ପାଇବାରେ ଆମେ 

ପ୍ରତିକାର ଥିଲେ ମନେ ।

ଅଧିକ ଖରାରେ କେବେ ବୁଲିବାନି

କରିବାନି କଷ୍ଟ କାମ

ବାଟେ ଆସୁଥିଲେ ବୃକ୍ଷ ଛାୟା ତଳେ

ନେବାରେ ଆମେ ବିଶ୍ରାମ ।

ମସ୍ତକେ ଟୋପି ବା ଓଦା ଗାମୁଛାକୁ

ରଖି ଘରୁ ବାହାରିବା

ପାଣି ବୋତଲ ଓ ଛତା ନେବା ସଙ୍ଗେ

ପାଦେ ଜୋତା ପିନ୍ଧି ଯିବା ।

କୋଠା ଟିଣ ଉପରେ ଢାଳିବା

ଜଳ ଆମେ ପ୍ରତିଦିନ

ଲେମ୍ବୁପାଣି,ଘୋଳଦହି ତୋରାଣୀକୁ

କରିବା ଏ ଦିନେ ପାନ ।

ପ୍ରଖର ଖରାରେ କେବେ ଚଢ଼ ନାହିଁ

ପାହାଡ଼ ଓ ପରବତ

ପଠାଅ ରୋଗୀଙ୍କୁ ଡାକ୍ତରଙ୍କ ପାଶେ

ହୋଇଥିଲେ ଅଂଶୁଘାତ ।

ଜଳ ଯୋଗୁଁ ଦୂର ହୁଏ ଅଂଶୁଘାତ

ଜଳ ହିଁ ଅଟେ ଜୀବନ

ଜଳଛତ୍ର ଦ୍ଵାରା କଲେ ଜଳଦାନ

ହୁଅଇ ଜୀବନ ଧନ୍ୟ ।