ଅନଲାଇନ୍ ଆସର

ଦୂର ଦେଶେଘର ମୋର

ଆପଣା ସବୁ ଯେ ପର

ନାହିଁ ପାଖେ କେ ନିଜର

ସବୁ ବନ୍ଧୁ ବହୁ ଦୂର

ତଥାପି ମୁଁ ବାରମ୍ଵାର

କରଇ ମନେ ବିଚାର

କର ଉପାୟ ଗୋଟେ ବାହାର

ବସାଇବା ଚାଲ ଅନଲାଇନ୍ ଆସର।

ବୁଢା ବୁଢୀ ବନ୍ଧୁ ମୋର

ମୋବାଇଲ ଅଜଣା ବ୍ୟାପାର

ନାତି ନାତୁଣି ପାରିବାର

ଲଗାଇ ଦେବେ ଯାନ୍ତ୍ରିକ ଡୋର ।

କଥା ସବୁ ଯୌବନର

ହେବ ପେଡିରୁ ବାହାର

ଗରଗର ଘରଣୀ ମୋର

କରୁ ନ ବୟସ ବିଚାର

ପୁରୁଣା ବନ୍ଧୁ ସବୁ ମୋର

ରଖିନି କାହାର ଖବର

ନମ୍ବରରେ ସୀମାବଦ୍ଧ

ପରିଚୟ ସଭିଙ୍କର

କେଜାଣି ଆୟୁଷ କେତେ ଅଛି ବା ମୋର

ଭେଟିବାକୁ ନାହିଁ ବେଳ ପାଖରେ କାହାର

ସବୁ ସୃତୀ ସାଉଁଟିବା ଏ ଅନ୍ତିମ ଥର

ଆସ ବସାଇବା ଗୋଟେ ଅନଲାଇନ୍ ଆସର।