ଭ୍ରମଣ

ଆମେ ଯିବା ଚାଲି ଚାଲି ସଞ୍ଜ ଆଉ ସକାଳ ପ୍ରହରେ

ଦେହ ପାଇଁ ସେହି ହିତ ଭୁଲିବାନି ତାକୁ ଆମେ ବାରେ ।

ବୟସର ଶେଷ ପ୍ରାୟ କେବଳ ପ୍ରଭୁଙ୍କ ଆଶ୍ରୟ

ତାଙ୍କ ପାଖେ ଲଗାଇତ ମନ

ଦେହକୁ କରିବା ଟାଣ ସଞ୍ଜ ସକାଳ ଭ୍ରମଣ

ଏହା ଛଡା ଆମ ପାଖେ ନାହିଁ କିଛି ଧ୍ୟାନ ।

ଯିବାପାଇଁ ବଦରିକା ବାରାଣସୀ ଅବା କାଶୀ

ଶରୀରଟା ଗଲାଣି ତାହାରି

ଗୀତା ଭାଗବତେ ମନ ସେଇତ ଆମର କର୍ମ

ଜଗାକୁ ଡାକିବା ଛଡା ସବୁ କର୍ମ ଭାରି ।

ଚାଲୁ ଚାଲୁ ଯେତେ ଯିବା, ହଟି ହଟି ଗଲେ ହଟିଯିବା

ଯେବେ ହଟିଆ ଡାକିବ ତାର ହାତ ଠାରି ।

ତାକୁ କରିବାକୁ ମନା ହେ ମୋତେ ଏବେ ନିଏନା

ବରଂ ମତେ ନେଇଯାଅ ସ୍ୱର୍ଗଦ୍ୱାର ପୁରୀ

ସେ ତ ଜଗତ ସାଇଁ, ସେତ ଆମ ହିତ ପାଇଁ

ଏ ପ୍ରକାର ଭ୍ରମଣକୁ ଦେଲେ ଅନୁମତି

ଆସ ଆମେ ତ ଭ୍ରମିବା, ବାଟମଙ୍ଗଳା ଦେଖିବା

ଅଠରନଳା ପାଖରୁ କରିବା ମିନତୀ

ମନ୍ଦିର ଦିଶୁଛି ଦୂରେ ଠେଲି ପଶ ସିଂହଦ୍ୱାରେ

ଚତୁର୍ଦ୍ଧା ମୁରତୀ ଆମ୍ଭେ କରି ଦର୍ଶନ

ସେଇଠି ହୋଇବ ଶେଷ ପୁରି ଯିବ ଅବଶୋଷ

ଇତି ହେଉ ହେ ବନ୍ଧୁ ଆମ ଭ୍ରମଣ ।